Prezident Co Bayden və vitse-prezident Kamala Harris iyunun 29 və 30-da Madriddə keçiriləcək NATO sammitinə hazırlıq məqsədilə cümə axşamı Ağ Evdə NATO-nun baş katibi Yens Stoltenberq ilə görüşüb.
Liderlər Rusiyanın Ukrayna ilə müharibəsinin transatlantik təhlükəsizliyə təsirlərini və NATO-nun çəkindirmə və müdafiə siyasətinin gücləndirilməsinin və alyansın kibertəhlükəsizlikdən iqlim dəyişikliyinə qədər geniş spektrli məsələlərin həlli üçün adekvat resurslara malik olmasını təmin etməyin vacibliyini müzakirə ediblər.
İclas iştirakçıları Finlandiya və İsveçin NATO-ya üzvlük təkliflərini alqışlayıblar və prezident Bayden Yens Stoltenberqin iki ölkənin alyansa daxil olmasının sürətli prosesini asanlaşdırmaq səylərinə güclü dəstəyini ifadə edib. Bundan əlavə, milli təhlükəsizlik müşaviri Cek Sallivan NATO-nun baş katibi ilə ayrıca görüşüb. Bu barədə Ağ Ev bildirib.
Jurnalist Mixail Komadovskinin sözlərinə görə, Stoltenberq Bayden və Harrislə görüşdən sonra jurnalistlərin suallarını cavablandırıb. “Biz Ukraynaya özünü müdafiə etməkdə kömək edirik. Bu, müdafiə əməliyyatıdır”, – deyə NATO rəhbəri vurğulayıb.
“Bütün ölkələrin qaydalara əsaslanan beynəlxalq nizamın aliliyinə, hər bir Avropa ölkəsinin suverenliyinə və ərazi bütövlüyünə inanması vacibdir. Rusiyanın Ukraynaya qarşı təcavüzkar hərəkətləri təşviq edilməməlidir”, - NATO-nun baş katibi əlavə edib.
çap et