Avropa İttifaqının icraedici orqanının Ukraynaya Aİ üzvlüyünə namizəd statusunun verilməsini tövsiyə edib-etməmək barədə tezliklə qərar verəcəyi gözlənilir. Tövsiyəni yekdilliklə təsdiq etməli olan Aİ Komissiyası iyunun 23 və 24-də keçiriləcək sammitdə məsələni müzakirə etməyə hazırlaşır. Bəzi Aİ liderləri bu addımı dəstəklədiklərini bildirsələr də, bəzi üzv dövlətlər daha istəksizdirlər.Avropa Komissiyasının sədri Ursula fon der Leyen Kiyevə son səfəri zamanı Ukrayna prezidenti Vladimir Zelenski ilə görüşüb, ölkənin yenidən qurulması və Avropa İttifaqına üzvlük istiqamətində irəliləyişlə bağlı müzakirələr aparıb.
Avropa Komissiyasının rəhbəri bu ay Şərqi Avropa liderlərinə Ukraynanı 27 üzvlü qrupa qəbul etməyin Aİ-nin strateji maraqlarına və mənəvi borcuna uyğun olduğunu deyib. Von der Leyen, həmçinin bildirib ki, Ukrayna ilk növbədə Aİ standartlarına və tələblərinə cavab verməlidir.
“Heç bir qısa yol, gözlənilməz amil olmamaladır. Standartlar və şərtlərə əməl edilməlidir, çünki bu, Avropa İttifaqında hamımıza şamil olunur və biz bu standartları qorumağın nə qədər çətin olduğunu hər gün bilirik”.
Ukraynanın Avropaya yaxınlaşmaq üçün uzun müddətdir davam edən səyləri Ukraynanın o zamankı Rusiya tərəfdarı liderinin Aİ ilə məşhur ticarət sazişini imzalamaqdan imtina etməsindən sonra Maydan İnqilabı kimi tanınan 2014-cü il Ləyaqət İnqilabının qığılcımına səbəb olub.
Sonda müqavilə imzalanıb.
Rusiyanın fevralın 24-də Ukraynanı işğal etməsindən bir neçə gün sonra prezident Zelenski namizəd statusunun əldə edilməsi prosesinə başlamaq üçün məktub göndərib. Lakin Hollandiya, Belçika, Danimarka və Avstriya da daxil olmaqla, bəzi Aİ üzvləri Ukraynaya namizəd statusu vermək istəmirlər.
Ukrayna xarici işlər nazirinin birinci müavini Emine Japarova deyib ki, istəksizlik Aİ-nin daxili məsələsidir.
“Əsas [məsələ] odur ki, söhbət Ukrayna ilə bağlı deyil və bu, Aİ daxilində bir baxış böhranı, Aİ-nin gələcəyinin böhranı kimi bir şeydir və xüsusi vurğulamaq lazımdır ki, ölkələrin gözləmə siyahısı var. Xüsusilə Balkan ölkələrinə gəldikdə, onlar bu qədər uzun müddətdir gözləyirik”.
Ukraynanın Avropa Şurasındakı nümayəndə heyətinə rəhbərlik edən Mariya Mezentseva deyir ki, Ukrayna region ölkələrini Aİ standartlarına və normalarına yaxınlaşdırmaq üçün istifadə edilən Aİ-nin assosiasiya sazişinin şərtlərinin 63 faizini yerinə yetirib.
“Bu, Ukrayna və Aİ-nin hələ 1950-ci illərdə sülhü təşviq etmək, sülhü qorumaq və klub yaratmaq məqsədi ilə başlayan layihəsi üçün yaşıl işarə olacaq. Beləliklə, bizim üçün yaşıl işıq, gələcək inteqrasiya və inkişaf üçün yaşıl işıq və Putin üçün qırmızı vərəqə, ona görə də o, deyə bilməz ki, bax, sizi orada istəmirlər”.
ABŞ-ın ATƏT-dəki səfiri Maykl Karpenter Amerikanın Səsinə bildirib ki, Ukraynanın Qərbə inteqrasiyası Amerikanın da marağındadır.
“Bu, Ukraynanın demokratiyasını, sosial suverenliyini, ərazi bütövlüyünü və dəstəklədiyimiz bütün müstəqillik atributlarını qoruyan bir sıra institutlarda möhkəmlənməsinin ən yaxşı yoludur. və Ukrayna daxilində çoxdan dəstəklənir”.
Karpenter deyir ki, Ukrayna müharibədən çıxdıqdan sonra əvvəlkindən daha güclü, daha möhkəm və vahid ölkə olmaq üçün yenidən qurulacaq.
çap et