Əvvəlcə onu deyək ki, Sainz yaxşı qurtardı. Çünki yanmadan əvvəl içəridə bərk partlama oldu. Sonra maşın pis od tutub yandı. Amma Saynsın “out”una sevinən Lekler azarkeşlərini görürəm. Yəni bu qədər də olmaz. Az qalsın desinlər ki, motor partlaması Saynsın günahıdır.
Çarls Lekler üçün bir söz deyərdim. Ferstappeni trasda çox keçilir, amma Lekler bu gün onu üç dəfə keçdi. Özü də demək olar Maksın evində. Məncə, “Ferrari” motoru tam açmışdı. Saynsın maşını yanan kimi də motoru azaltdılar. Ona görə də maşın əvvəlki kimi getmədiyi üçün Lekler şikayətlənirdi. Yenə də əla qələbə idi. Üç il əvvəl pouldan Lekler başlamışdı, Ferstappen qazanmışdı. Bu il Ferstappen pouldan başladı, Lekler qazandı. Çarls yeddi yarışdan sonra da podiuma qayıtdı, həm də zirvədə. Ümid edirəm davamlı olar. “Ferrari”nin Fransada da şansı olacaq.
Hamilton da ardıcıl üçüncü podiumunu qazandı. Amma “Mercedes”dən gözlədiyim temp yox idi. Cümə günü “Ferrari” və “Red Bull” sazlanma tapmayanda güclənmiş kimi göründülər. Amma elə deyil.
çap et