Ukraynada “Bayraktar TB2” pilotsuz uçuş aparatlarını idarə edən ukraynalı hərbçilər onlarla bağlı diqqətçəkən hadisələrdən danışıblar.Zaporojye bölgəsində “Bayraktar TB2”-ni idarə edən ukraynalı hərbçinin sözlərinə görə, döyüşlər zamanı rus “S-300” zenit-raket kompleksi pilotsuz uçuş aparatlarından birini hədəfə alıb. Raket PUA-nın yaxınlığında partlayandan sonra dronla əlaqə yox olub. Hərbçilər PUA-nı itirdiklərini güman ediblər. Sonra ciddi zədələr alan PUA-nı avtomatik olaraq bazaya qayıtdığını görəndə heyrətə gəliblər. Bu olay “Bayraktar TB2”-nin keyfiyyətini ortaya qoyur.
Digər hərbçi isə Belarusdan Ukraynaya daxil olan rus hərbi karvanını PUA ilə necə sıradan çıxardığından bəhs edib. O bildirib ki, “Bayraktar TB2” PUA-sı vasitəsilə hərbi karvandakı yanacaq daşıyan avtomobili hədəfə alıb. Silsilə partlayışlar nəticəsində hərbi karvan durdurulub.
çap et