Ağ Ev Rusiya rəsmilərinin bu yaxınlarda Ukraynaya hərbi müdaxiləsində istifadə etmək üçün almaq istədiyi pilotsuz, silahlı dronları görmək üçün İranda aerodromu ziyarət etdiyini göstərən kəşfiyyat məlumatlarını yayıb.Rusiya Prezidenti Vladimir Putin son zamanlarda Tehranla münasibətləri və bu həftə İran və Türkiyə prezidentləri ilə görüşmək üçün İrana səfəri planlaşdırılıb.
Tehran bu yaxınlarda Rusiyanı bu cür silah daşıyan dronlarla təmin etməyə hazır olduğuna dair xəbərləri rədd edib.
Ağ Evin milli təhlükəsizlik müşaviri Cek Sallivan açıqlamasında bildirib ki, administrasiyada “İran hökumətinin Rusiyaya yüzlərlə pilotsuz uçuş aparatı verməyə hazırlaşdığına dair məlumat var”.
Bayden administrasiyası deyib ki, İran rəsmiləri dronları Rusiya rəsmiləri iyunun 8-də və iyulun 15-də İranın mərkəzində Kəşan aerodromunda göstəriblər.
Ağ Ev İranın Şahed-191 və Şahed-129 dronlarını uçarkən və aerodromdaykən yanında Rusiyanın hərbi nəqliyyat təyyarəsinin olduğunu göstərən peyk şəkillərini yayıb.
“Bu, Rusiyanın İranın hücum qabiliyyətinə malik PUA-lar almaqda marağının olduğunu göstərir”, – Sallivan deyib.
Dronlar Ukraynada dörd aydır davam edən və on minlərlə insanın ölümünə, 10 milyondan çox ukraynalının isə qaçmağa məcbur edən münaqişədə mühüm rol oynayıb.
Birləşmiş Ştatlar və onun NATO müttəfiqləri tam-miqyaslı hərbi müdaxilə fevral ayında başlayandan bəri Ukraynanı özünü müdafiə etməsinə yardım etmək üçün milyardlarla silah tədarükü ilə təmin ediblər. Vaşinqton daha əvvəl Tehranı Rusiyanı “sürətləndirilmiş vaxt qrafikində” dronlarla təchiz etməyə hazır olmaqda günahlandırıb.
İranın xarici işlər naziri Hüseyn Əmir-Abdullahian iyulun 15-də ukraynalı həmkarı Dmitro Kulebaya telefon vasitəsilə deyib ki, Rusiyaya İran dronlarının gedəcəyinə dair xəbərlər “əsassızdır”.
Əmir-Abdullahian xəbərləri ABŞ Prezidenti Co Baydenin Yaxın Şərqə səfəri ilə üst-üstə düşməsi üçün siyasi motivli xəbər adlandırıb.
“Biz münaqişələrin davam etməsi və intensivləşməsinə gətirib çıxaracaq hər hansı addıma qarşı çıxırıq”, – o deyib.
Bayden hazırda İrandan gələn təhlükəyə və Putinin Ukraynaya qarşı müharibəsinə regiondakı reaksiyaları gücləndirmək səyləri çərçivəsində Yaxın Şərqdə səfərdədir.
Bayden və digər dünya qüdrətlərinin 2015-ci ildə İranla əldə olunan nüvə razılığını bərpa etmək səyləri böyük ölçüdə nəticə verməyib, xüsusilə də Tehranın yeni şərtlər irəli sürməsi səbəbilə və bu da, münasibətləri daha da gərginləşdirib.
çap et