Putinin pozulmuş planları...

... və Lukaşenkonun gizli xəstəliyi

Söhbət ondan gedir ki, iyulun 15-nə olan əsas plan “Rusiya, Ukrayna və Belarus Respublikasının Birlik Müqaviləsi”ni ratifikasiya üçün Dumaya təqdim etmək idi. Artıq Putinin üç slavyan xalqı olan Rusiya, Ukrayna və Belarus Respublikasından ibarət yeni ittifaq yaratmaq, üç ölkəni birləşdirmək, bununla da bir növ SSRİ-ni yenidən yaratmaq planları məlum idi. Əgər Rusiya və Belarus Respublikası ilə hər şey aydındırsa, o zaman Putin Ukrayna üçün işğal olunmuş əraziləri tanımağa və bu ərazilərdə Ukraynanın “qanuni” prezidenti Viktor Yanukoviçin hakimiyyətini “bərpa etməyə” hazırlaşır və Putin də bu müqaviləni məhz Yanukoviçlə imzalamağa hazırlaşırdı, daha doğrusu, bu müqavilə ARTIQ İMZALANIB. Maksimum məxfilik şəraitində “müqavilə”ni oxumadan hər şeyi imzalayan Viktor Yanukoviç də, Rusiyaya sonuncu səfəri zamanı Aleksandr Lukaşenko da müqaviləni imzalayıblar. 

İndi isə  iyulun 15-də Putin Yanukoviç və Lukaşenko ilə görüşməli və sazişin imzalandığını elan etməli, bundan sonra o, bu sənədi ratifikasiya üçün Dövlət Dumasına təqdim etməli idi. Hər şey plan üzrə getsə, bir neçə gün ərzində Dövlət Duması və Federasiya Şurası tərəfindən bu sənəd təsdiqlənəcəkdi. Yanukoviç və Lukaşenko ilə görüş, təbii ki, saxta görüşdür, hər şey artıq həll edilib. Amma Lukaşenkoda tərəddüd var idi, Putin Belarus prezidentinin demarşından qorxurdu və burada o, təbii ki, haqlı idi. Lukaşenko bu məsələdə aradan çıxmaq üçün əlindən gələni edə bilərdi və indi demək olar ki, artıq edib.

Beləliklə, bu gün Rusiya, Ukrayna və Belarusdan ibarət üç slavyan xalqının vahid dövlətinin yaradılmasını elan etmək planlarının qarşısı alındı. Təbii ki, bu dəfə də Aleksandr Lukaşenko tərəfindən. Ötən gün Putinlə əlaqə saxlayan Lukashenko ona izah edib ki, belə bir əlamətdar hadisəni təxirə salmalı olacaqlar, çünki onda ... babasil (hemoroid) var! Və bu zarafat deyil, Rusiya prezidentinin Lukaşenko ilə qısa söhbətində “Batka” bildirib ki, babasil səbəbindən, "nəinki otura bilmir", hətta "əzabdan ikiqat əyilib". Söhbət Putini o qədər özündən çıxarıb ki, o danışığı kəsib və bunun “çürük bəhanələr” adlandıraraq bu sözlərə qulaq asmadan telefonu qapadıb.

Amma hələ bu da hamısı deyil. Bu gün Putinin uğursuz  birləşmə planından əlavə, Xüsusi Hərbi Əməliyyatları (XHƏ) təmin etmək üçün əlavə tədbirlərin elan edilməsi də daxil olmaqla, hazırlanmış daha bir neçə qərar var. Və burada maraqlı bir məqam qeyd edilməlidir. Hərbi vəziyyətin tətbiqi və səfərbərliyin mümkünlüyünü mütəmadi olaraq iclaslarda müzakirə edən Putin iyunun sonunda Rusiya Federasiyası Təhlükəsizlik Şurasında ekspertlərdən hesabat alıb və orada 15 iyulun əslində, niyə sonuncu tarix olduğu aydın və əsaslı şəkildə izah edilib. Məsələ ondadır ki, səfərbərlik haqqında hərbi vəziyyətin elan edilə biləcəyi və elan edilməli olduğu tarixi daha da gecikdirmək bu tədbirləri təsirsiz edir, hətta, Rusiyanın indiki rəhbərliyi üçün təhlükəli edir. Ona görə də variantlardan biri kimi Putin bu variantları nəzərdən keçirib və ilkin olaraq Dövlət Dumasının növbədənkənar iclası iyulun 15-i tarixinə təyin edilib.

İndi Vladimir Putin tələsir. Ötən hər gün onun əleyhinə işləyir. Amma tərslikdən bu məsələdə də işlər rəvan getmir. “Blogerlər” Strelkov-Girkin və fəal şəkildə səfərbərlik və hərbi vəziyyətin tərəfdarı olan həmkarları sözün əsl mənasında prezidentdən bu qərarları təcili qəbul etməyi tələb etməyə başlayıblar. Məlumdur ki, kimsə nəyisə əngəlləmək istəyirsə, bunu Putindən tələb etməlidir və şübhəsiz ki, bu zaman əks effekt əldə edəcək. Strelkov-Qirkin prezidentə hərbi elitada mübariz müxalifətin səsi kimi təqdim olunur və Putinin də onların ardınca getməyəcəyinə şübhə yoxdur. Putin həm də hamıya göstərməlidir ki, o, qərarları müstəqil qəbul edir və təzyiqlərin ona heç bir təsiri ola bilməz. Buna görə də, bu gün və yaxın gələcəkdə planlaşdırılan XHƏ-yə dəstək tədbirləri də yarımçıq qala bilər. 

Bununla yanaşı, Putin hərbi və güc bloklarının rəhbərliyi ilə dünənki görüşdə yerdə qalan resursların təxminən 30 faizdən istifadə etməklə Ukraynaya kütləvi raket hücumunun mümkünlüyünü müzakirə edib. Kəşfiyyat kanalları vasitəsilə Vaşinqtona gələn bu məlumat ABŞ-ın Ukraynadakı səfirliyinin öz vətəndaşlarına mümkün olduğu təqdirdə ölkəni tərk etmələri ilə bağlı müraciətinə səbəb olub. Təbii ki, hələ də kadrlarla bağlı qərarlar və tamamilə “zərərsiz ssenari” variantları da var, lakin bütün qərarlar Putin tərəfindən həyata keçirilməzdən bir an əvvəl veriləcək, ona görə də gözləmək gərəkir.