İran Rusiyaya öz ərazisində istehsal olunan təyyarə və avadanlıqların ehtiyat hissələrini ixrac edəcək. İranın təmir mərkəzləri tərəfindən Rusiya təyyarələrinə təmir və texniki xidmət göstərilməsi və texniki dəstək haqqında da razılıq əldə olunub.Bu barədə İran KİV-ləri, xüsusən də IRNA və MEHR agentlikləri İranın Mülki Aviasiya Təşkilatının rəhbərinin Rusiyanın nəqliyyat nazirinin adı açıqlanmayan müavini ilə görüşünün nəticələrinə istinadən xəbər verir.
Məlumatda bildirilir ki, iyulun 26-da Tehranda keçirilən danışıqlarda Məhəmməd Məhəmmədi-Bəxş və Rusiya nümayəndəsi hava daşımaları sahəsində əməkdaşlığın genişləndirilməsinin vacibliyini vurğulayıblar. O cümlədən iki dövlət arasında sərnişin reyslərinin həftəlik sayının 35-ə çatdırılması barədə razılıq əldə olunduğu bildirilir. Məlumatda əlavə edilir ki, hər iki dövlətin aviaşirkətlərinin uçuşların tezliyinə məhdudiyyət qoyulmadan yük uçuşları həyata keçirmək hüququ da qeyd olunur.
Danışıqlar barədə Rusiya xəbər agentlikləri də məlumat yayıb. TASS qeyd edir ki, görüş iştirakçıları ikitərəfli əlaqələrin genişləndirilməsi yollarını müzakirə edib və anlaşma memorandumu imzalayıblar.
İyulun 19-da Rusiya prezidenti Vladimir Putin danışıqlar aparmaq üçün İrana səfər edib. Onun üçün bu, Ukraynanın işğalından sonra keçmiş SSRİ ölkələrindən kənara ilk səfər idi.
ABŞ prezident administrasiyası bu ayın əvvəlində bildirib ki, İran “sürətlənmiş vaxt çərçivəsində” Rusiyaya yüzlərlə pilotsuz döyüş təyyarəsi satmağa hazırlaşır, bunun üçün Rusiya rəsmiləri son bir ay ərzində respublikanın mərkəzi hissəsindəki aerodroma dəfələrlə səfər ediblər. “Kommersant” Tehran bu məlumatı təkzib etdiyini yazır.
çap et