Bu gün ABŞ prezidenti Barak Obama ilə rusiyalı həmkarı Vladimir Putun arasında telefon danışığı olub.
ANS PRESS-in verdiyi məlumata görə, prezidentlər, əsasən Ukraynadakı siyasi böhranı müzakirə edib. Tərəflər beynəlxalq ictimaiyyətin köməyi ilə vəziyyətin stabilləşməsi üçün mümkün olan addımlardan söz açıblar. Putin Ukraynada ekstremizmin baş alıb getdiyini, yerli dinc sakinlərə qarşı təzyiqlərin olduğunu, Ukraynanın regionlarında icra və qanunverici orqanların işlərinə maneçilik törədildiyini qeyd edib.
Putin yaxın günlərdə hər iki ölkənin xarici işlər nazirləri səviyyəsində görüşün keçirilməsini təklif edib. Putin həmçinin Pridnestrovanın blokadaya alınmasından söz açaraq bildirib ki, bu bölgənin insanları normal ticarət və iqtisadi fəaliyyətlərini həyata keçirmək üçün çətinliklərlə üzləşib.
Rusiya prezidenti Pridnestrovadakı vəziyyətin tənzimlənməsi üçün «5+2» formatında görüşlər keçirilməsini təklif edib. Bu formata görə Moldova, Pridnestrovı, Rusiya, Ukrayna, ATƏT, Avropa Birliyi və ABŞ-dan olan nümayəndələrin iştirakı ilə aprel ayının 10-11-də görüş baş tutmalıdır.
çap et