Rusiya prezidenti Vladimir Putinə sülh təklifləri verilməsi barədə ötənlərdə xəbər vermişdim. Amma görünən odur ki, Putin aldığı sülh təklifinin rədd edilməsini özünəməxsus üslubda “rəsmiləşdirib”. Məhz Ukraynanın enerji infrastrukturuna növbəti kütləvi raket hücumu Putinin Kremlin qəbuledilməz hesab etdiyi şərtlərlə Ukraynadakı münaqişənin sülh yolu ilə həllinə keçmək təkliflərini rədd etməsi deməkdir. Putin təkcə təklifləri deyil, “sülh təklifi” ilə paralel olaraq irəli sürülən ultimatumları da rədd edib. İndi ən nüfuzlu Qərb “tərəfdaşlar” belə Krımın dərhal Ukraynaya verilməsində, heç bir gecikmə və güzəştə getməməkdə israr edəcəklər.Bazar ertəsi günü güc strukturlarının və hərbi blokun rəhbərliyi ilə videobağlantı vasitəsilə görüş keçirən Putin birmənalı olaraq eskalasiya istiqamətində danışıb. Üstəlik, Rusiya prezidenti bəyan edib ki, "əməliyyat yalnız Ukrayna ərazisi ilə məhdudlaşır və problem də budur. Orada hər şey durğunlaşıb və iy verir, çərçivəni genişləndirmək lazımdır". Daha sonra Putin bütün iclas iştirakçılarını təəccübləndirən bir cümlə səsləndirib: "NATO-nu silkələmək vaxtıdır! NATO-nu silkələmək vaxtıdır!" Prezident öz fikirlərini arqumentlərlə əsaslandırıb və işlənib hazırlanmış və həyata keçirilməsini gözləyən, lakin qeyri-müəyyən müddətə təxirə salınmış bir sıra əməliyyatları nəzərdə tutan “materiallardan” istifadə etməyi təklif edib. Putinin sözlərinə görə, iki həftə əvvəl o, Rusiya Federasiyası Silahlı Qüvvələri Baş Qərargah rəisinin müavini, Rusiya Federasiyası Silahlı Qüvvələri Baş Qərargahının Baş İdarəsinin rəisi İqor Kostyukova üçüncü ölkələrin ərazisində bir neçə analoji əməliyyat həyata keçirməyə başlamaq barədə şəxsən göstəriş verib. Türkiyə və Macarıstana işarə edərək, “ilk növbədə müttəfiqləri silkələmək” və “Polşa və Baltikyanı ölkələrə doğru rəvan hərəkət etmək” lazım olduğunu düşündüyünü bildirib.
Prezident NATO-nun hərbi cavabının olmamasına əminliyini qeyd edib və bu cür taktikanı ən azı Ukraynaya silah tədarükünü azaltmaq üçün effektiv hesab edib. Putin bunu bu sözlərlə yekunlaşdırıb: "Bunsuz biz sağ qala bilmərik. Onlar təslim olana qədər bütün yolu keçməyə hazır olduğumuzu nümayiş etdirərək onları sıxmalıyıq". Bu, daha da təəccüb doğurub və iclasın bir neçə iştirakçısı baş verənlərdən xəbərsiz olduqlarından narazılıqlarını bildiriblər. Belə ki, artıq müzakirənin sonunda Rusiya Federasiyası Təhlükəsizlik Şurasının katibi Nikolay Patruşev birbaşa olaraq prezidenti qınayıb ki, ondan əvvəllər belə bir sirr olmayıb. Putin isə ona “Zaman dəyişir” deyə cavab verib. Görünən odur ki, Putin əlində heç bir qalibiyyət kombinasiyası olmadan gərginliyi artırır, lakin bir bleflə uzağa getmək mümkün olmayacaq və əvvəl-axır hər şeyi itirəcək.
çap et