Bir mövsüm də belə geridə qaldı.
Heyf, Hamilton və Alonso “out” oldular və yarışdan sonra bir şoudan bizi məhrum etdilər. Vettellə yaxşı donut bişirərdilər. 2018-ci ildəki kimi. Alınmadı. Alonso 22 yarışın 7-də öz günahı olmadan “out”, 5-də isə mexaniki problemlər. Nə deyəsən. MakLarendəki illərindən belə əsəbpozucu hal idi. Mövsüm ərzində Okondan yarış tempində üstün olsa da, bu problemlərə görə geridə qaldı.
Eynilə Hamilton da. Kanadadan etibarən bütün yarışlarda Rasseli yeyirdi, amma geridə qaldı. Olsun, idmanda olur belə şeylər. Hamiltonun da bir rekordu var idi. Yarışdığı bütün sezonlarda qələbə. Amma artıq o da yoxdur. Heyf.
Lekler son yarışda Peresdən ikinciliyi aldı. Peres üçüncü sinif pilot olduğunu göstərdi. Özünə xeyri yoxdur. Deyir Verstappen mənim şotuma çempion olub. Bu qeyri-ciddi açıqlama ancaq gülüş doğurur.
Keçək sonda Vettelə. Pitdə gecikdirildi, amma yenə də xal aldı. Bu onun böyüklüyünü göstərir. Heyf ki, son yarışında belə problem yaşadı. Heyf, “Aston Martin” elə öz səhvindən “Alfa Romeo”nun gerisində qaldı. Amma düz-əməlli pit etməyi bacarmayan komandaya bu da azdır. Bir əfsanəni belə yola saldıq. Son yarış karyerasının axırıncı 5 ilinin özəti idi. O yaxşı çıxış edir, amma komandası batırır. Gülə-gülə, çempion. Sənin üçün darıxacağıq.
çap et