ABŞ Konqresi Rusiyaya qarşı sanksiyaları nəzərdə tutan qanunu qəbul edib. Avropa.info xarici mətbuata istinadən xəbər verir ki, Konqresin Nümayəndələr Palatası aprelin 1-də keçirilən iclasında Rusiyaya qarşı sanksiyalar nəzərdə tutan qanun layihəsi müzakirə olunaraq qəbul edilib. Qanunun qəbulunun lehinə 378, əleyhinə isə 34 konqresmen səs verib.
Qanun ABŞ hökumətinə imkan verir ki, Krımı özünə birləşdirdiyinə görə, Rusiyadan olan bir sıra məmurlara sanksiyalar tətbiq edilsin.
Sanksiyalar Ukraynada insan haqlarının kobud surətdə pozulmasında və güc tətbiq edilməsində, həmçinin suverenliyinə təhlükə yaratmaqda əli olan şəxslərin ABŞ-a səfərləri üçün vizaların verilməməsi, maliyyə aktivlərinin dondurulması istiqamətində olacaq.
Konqres eyni zamanda, Ukrayna hökumətinə 1 milyard dollar həcmində kredit və 150 milyon dollar həcmində isə yardım ayrılması barədə qərar qəbul edib.
çap et