“Təkər deşənlər” adlı anarxist qrupu Avropa və ABŞ-da 900-ə yaxın 4x4 cipin təkərlərini deşib. “Dünən gecə (noyabrın 28-i bazar ertəsi axşam və 29 noyabr çərşənbə axşamı səhər saatlarında) 8 ölkənin vətəndaşları beynəlxalq etiraz aksiyaları təşkil etdiyini bildirib. Onlar ətraf mühitin çirklənməsinə səbəb olan təxminən 900 4x4 cipinin təkərlərini deşiblər”, – qrupun bəyanatında deyilir.
Qrup aksiyalarını Hollandiyanın Amsterdam və Enskede, Fransanın Paris və Lion, Almaniyanın Berlin, Bonn, Essen, Saarbrücken və Hannover, Böyük Britaniyanın Bristol, Lids, London və Dandi, İsveçin Malmö, İsveçrənin İnsbruk, Sürix və Vintertur, ABŞ-ın Nyu-Yorkda şəhərlərində də davam etdirib.
Fəalların bəyanatında, “Bu, yüksək karbon emissiyası olan avtomobillərə qarşı tarixdə ən böyük koordinasiya edilmiş qlobal hərəkətdir. Gələcəkdə daha çox şey olacaq.”
Digər tərəfdən, Lidsdə yaşayan və Yorkşirdə təcili yardım bölməsinə təlim verən Tom Havort etirazçılara “Təbrik edirəm. Təcili yardım maşınının təkərlərini müvəffəqiyyətlə endirdiniz” deyərək reaksiya verib. Digər tərəfdən, avtomobilin təcili yardım maşını olub-olmadığı hələ müəyyən edilməyib.
Mart ayında yaradılan fəal qrup 4x4 ciplərin digər avtomobillərlə müqayisədə qeyri-mütənasib karbon tullantıları buraxdığını müdafiə edir və belə avtomobillərin qadağan edilməsini tələb edir.
Qrupun sözçülərindən biri Marion Walker deyib: “Hərəkatımız böyüyəcək. İdeya paylaşılandan sonra bizi dayandırmaq olmaz”.
Van Qoqun tablosuna şorba ataraq gündəmə gələn Böyük Britaniyada fəaliyyət göstərən “Just Stop Oil” ətraf mühitlə mübarizə qrupu keçən ay lüks avtomobil satıcılarını da hədəfə almışdı.
Fəallar qalereyaların pəncərələrinə yanğınsöndürən balonlara doldurulmuş narıncı boya səpib.
çap et