Bu gün Brüsseldə Aİ-nin xarici siyasət üzrə Ali Nümayəndəsi Ketrin Eşton, Enerji komissarı Günter Öttinger, ABŞ dövlət katibi Con Kerri, ABŞ Enerji naziri Daniel Poneman və Yunanıstanın Enerji naziri İoannis Maniatisin iştirakı ilə Aİ-ABŞ Enerji Şurasının iclası keçirilmişdir.Şuranın yekun bəyanatında Krımın Rusiya tərəfindən «qeyri-qanuni anneksasiyası» pislənmiş, enerji təchizatında yaranacaq problemlərin Aİ və ABŞ-ı bərabər şəkildə narahat etdiyi bildirilmişdir. Şura Ukraynanın enerji təchizatının diversifikasiyası, enerji saxlanması qabiliyyətinin artırılmasına yönəlmiş səylərini dəstəklədiyini bəyan edir, Ukrayna hökumətinin subsidiyalaşmış enerji qiymətləri siyasətini dəyişmək öhdəliyini alqışlayır.
çap et