İranın kəşfiyyat naziri Seyid İsmayıl Hatip Qərb hakimiyyətinin İran əleyhinə yanaşmalarına reaksiya verib. İranın rəsmi xəbər agentliyi İRNA-ya danışan Hatip, Fransa prezidenti Emmanuel Makronun Mərkəzi Kəşfiyyat İdarəsi (MKİ) tərəfindən idarə olunduğunu bildirib.“Avropa ölkələrində bəzi liderlər ölkələrinin ABŞ qarşısındakı öhdəlikləri mövzusunda həssasdırlar. İndi bu vəziyyəti Fransa prezidenti Makronla müqayisə edək. ABŞ prezidentinin daha gəlib ona nə edəcəyini söyləməsinə belə ehtiyac yoxdur. Əksinə, Mərkəzi Kəşfiyyat İdarəsinin aşağı səviyyəli işçisi yanına gedib, onun necə davrandığını deməlidir. Diktə etmək kifayətdir. Bunlar artıq Avropanın mühüm ölkələrinin müstəqil və güclü liderləri deyil”.
Makronun İrana münasibətinin başqa səbəbləri olduğuna da toxunan spiker, “Makronun son zamanlar ölkəmizə münasibətinin başqa səbəbi də var. Bu, Kəşfiyyat Nazirliyimiz tərəfindən iki Fransız kəşfiyyatçısının aşkar edilərək həbs edilməsidir. Biz yalnız onların missiyasının bəzi hissələrini açıqladıq. Biz hələ ən mühüm və ən təsirli məsələni deməmişik. Hər halda, Makron o qədər yetişməyib. Onu asanlıqla aldada bilirlər”.
çap et