Çinin öz ərazisi hesab etdiyi Tayvan dövlət qurumları və dövlət idarələri tərəfindən ayrılmış telefonlarda Çin mənşəli TikTok sosial media platformasından istifadəni qadağan edib.Çin ilə müstəqillik münaqişəsində olan Tayvan, dövlət qurumları və dövlət idarələri tərəfindən ayrılmış telefonlarda Çin əsaslı sosial media platforması TikTok və digər sosial sosial şəbəkələrdən istifadəni qadağan edib.
Tayvan xəbər agentliyi CNA-nın məlumatına görə, Rəqəmsal İşlər Nazirliyinin rəsmiləri bəzi tətbiqlərin milli informasiya təhlükəsizliyinə təhdid yaratdığı səbəbiylə məhdudlaşdırıldığını açıqlayıb.
“Bytedance”in TikTok Çin versiyası, “Douyin”, “Xingin” və “Instagram” kimi sosial media, o cümlədən “Xiaohongshu” e-ticarət platforması nəzarətə götürülən tətbiqlər arasında idi.
Bildirilib ki, tədbir Çində hazırlanmış bütün proqram təminatına qoyulan qadağa çərçivəsində oktyabr ayında Hökumət Təşkilatlarında İnformasiya Təhlükəsizliyinə Zərərli Məhsulların İstifadəsinin Məhdudlaşdırılması Prinsipləri haqqında Əsasnaməyə edilən dəyişikliklə edilib.
ABŞ-da Texas, Merilend, Cənubi Karolina və Cənubi Dakota ştatları kibertəhlükəsizliyə təhlükə yaratdığını əsas gətirərək əyalət hökuməti tərəfindən ayrılmış telefonlarda və dövlət idarələrində TikTok-dan istifadəni qadağan edib.
ABŞ Federal Təhqiqat Bürosunun (FTB) direktoru Kris Vray, keçən həftə verdiyi açıqlamada sosial media platforması Tiktok-a nəzarətin Çin hökumətinin əlində olduğunu və bunun ABŞ-ın milli təhlükəsizlik narahatlıqlarını artırdığını bildirib. .
ABŞ-da 85 milyon istifadəçisi olan TikTok məlumat təhlükəsizliyi ilə bağlı ABŞ hökuməti ilə danışıqlar aparır.
İndiana ştatı Çin hökumətinin istifadəçi məlumatlarına çıxış haqqında ictimaiyyəti yanlış məlumatlandırması və azyaşlı istifadəçilərin böyüklərə aid mövzularla pozğunluğa səbəb olması iddiaları ilə şirkəti məhkəməyə verib.
çap et