«ABŞ bölgədəki mənafeyi naminə İranı qonşu ölkələr üçün həmişə təhdid kimi göstərir».
APA-nın İRİB-ə istinadən verdiyi məlumata görə, bunu İranın müdafiə naziri, general Hüseyn Dehqan deyib.
Onun sözlərinə görə, İran Fars körfəzi ölkələrinə əsla hücum etməyib, ancaq hər cür hərbi müdaxiləni də təsirsiz hala gətirir.
H. Dehqan deyib ki, İsrail İranın məntiqli hərbi mövqeyi qarşısında gücsüzdür: «İran xalqının müdafiə qabiliyyəti düşmənlərin hücuma cəsarət etməyəcəyi şəkildə güclənib. İran hər hansı bir ölkə üçün təhdid olmayıb, ancaq özünə istiqamətli hər cür təhdidə də cavab verəcək».
çap et