2022-ci ildə “Christie’s”, “Sotheby’s” və “Phillips” hərrac evləri tərəfindən satılan incəsənət əsərlərinin ümumi dəyəri 18 milyard dollara çatıb. Bu da incəsənət sahəsi üçün rekord göstəricidir.Bu il satışların statistikası üzrə ən bahalı rəsm əsərlərinin siyahısı da açıqlanıb.
Reytinqdə birinci yeri amerikalı rəssam Endi Uorholun ən məşhur əsərlərindən biri – Merilin Monroya həsr olunmuş “Shot Sage Blue Marilyn” portreti qazanıb. Rekord satış məbləği 195 milyon dollar olan portret ən bahalı sənət əsəri kimi siyahıda yer alıb.
İkinci yerdə Corc Seuratın “The Models” tablosudur. Bu il “Christie’s” hərracında fransız rəssamın əsəri 149 milyon dollara satılıb.
Üçüncü sırada isə fransız postimpressionist Pol Sezannın “Seint-Viktuar dağı” tablosu yer alıb. Bu rəsm əsəri üçün 138 milyon dollar ödənilib.
çap et