“The Guardian” yazır ki, İngiltərə və Şotlandiyada təbii irsin qorunması ilə məşğul olan “National Trust” təşkilatı ilə birlikdə Fevral ayında “Censuswide” tərəfindən keçirilən sorğuda 7-14 yaş arası 1000 uşaq və 1000 valideyn iştirak edib. Sorğuda iştirak edən uşaqların 76 faizi təbiətdə daha çox vaxt keçirmək, 56 faizi isə təbiətlə daha rahat əlaqə istədiklərini bildirib.Sorğunun nəticələrinə görə, valideynlərin 63 faizi övladlarını həftədə bir dəfə və ya daha az təbii ərazilərə apara bilirmiş və bunun ən böyük səbəbi əlaqədə çətinlik olub.
Sorğuda valideynlərin 80 faizi hökumətin uşaqların yaşadığı yerdən 15 dəqiqəlik piyada məsafədə yaşıllıqların olmasını təmin etməli olduğu fikrini bölüşüb.
Milli Etimad hökuməti valideynlərin istəklərini yerinə yetirməyə çağırıb. Tədqiqatlar göstərir ki, təbiətdə keçirilən vaxt uşaqların ağciyərlərinin sağlamlığına, sümük quruluşunun möhkəmlənməsinə və psixologiyasına böyük fayda verir.
Rəsmi məlumatlara görə, əhalinin 38 faizi yaşıllıqlara, göllərə, çaylara və dənizə piyada 15 dəqiqədən çox uzaqlıqda yaşayır.
İngiltərə Baş Naziri Rişi Sunak 2023-cü ilin yanvarında hər kəs üçün yaşadığı ərazidən 15 dəqiqə uzaqlıqda yaşıllıq lazım olduğunu söyləyib. Lakin “The Guardian”ın dekabr ayında açıqladığı sənədlər hökumətin bu hədəfə çatmaq niyyətində olmadığını göstərib.
çap et