Yeni məlumatlara görə, mart ayı həm havanın temperaturu, həm də okean səthinin temperaturu üzrə qlobal temperatur rekordlarının qırıldığı ardıcıl 10-cu ay olub.Avropa İttifaqının iqlim agentliyi “Copernicus”un məlumatına görə, mart ayında qlobal orta temperatur 2016-cı ildə qeydə alınan əvvəlki rekordu onda bir dərəcə üstələyərək, 14,14 dərəcə Selsi ilə ən yüksək səviyyəyə çatıb.
Mart ayı 1800-cü illərin sonunda, dünyanın qalıq yanacaqları yandırmağa və planeti istiləşdirən təhlükəli qazları yığmağa başladığı vaxtdan 1,68 dərəcə isti idi.
Mart ayında temperatur rekordunun ardıcıl 10-cu ayda qırılması alimləri narahat edən tendensiyadan xəbər verirdi.
İyun ayından bu yana bəzi digər aylarda daha da ekstremal temperaturlar yaşanıb və rekordlar daha böyük fərqlərlə qırılıb. Mart ayında rekord o qədər də müstəsna deyildi, lakin temperatur davamlı olaraq yüksəlməyə davam edir.
“Trend düzgün istiqamətdə deyil”, – “Copernicus”un vitse-prezidenti Samanta Barqess deyib.
Son 10 ayda təkcə yerüstü havanın deyil, həm də qlobal okeanların temperaturu rekord səviyyədədir.
Mart ayında qlobal dəniz səthinin temperaturu orta hesabla 21,07 selsi təşkil edib ki, bu da fevralda qeydə alınandan bir qədər yüksək, aylıq rekord üzrə ən maksimal aylıq göstəricidir.
Bu ekstremal temperaturların bəziləri Sakit okeanın mərkəzi hissəsini istiləşdirən və qlobal hava modellərini dəyişən təbii və güclü iqlim şəraiti El-Nino ilə əlaqələndirilir.
çap et