Litvanın paytaxtı Riqa meri Vilnis Kirsis xalqı sığınacaqlarda yaşamağa hazır olmaları üçün çağırış edib. Vladimir Putinin bir sonrakı hədəfinin Baltık ölkələri olacağı qorxusu davam edərkən şəhər meri vətəndaşları yaşayış binalarının zirzəmilərini hava hücumlarından müdafiə sığınacaqlarına çevirmələrini təklif edib.Kirsis, "hər kəsi təcili olaraq zirzəmilərdə təmizlik işləri aparmaq və sığınacaqlar üçün yararlı vəziyyətə gətirməyə çağırırıq”, – deyib.
Rusiya ilə 214 kilometr uzunluqda sərhədi olan keçmiş SSRİ respublikası olan Litva 2004-cü ildən NATO üzvüdür.
Kremlin Ukrayna işğalı davam edərkən növbəti hədəfin Baltıkyanı ölkələrdən Estoniya və ya Litva olacağına dair qorxular getdikcə artır.
Riqanın vətəndaş müdafiəsi komissiyası da ehtimal olunan hücuma hazırlıq kimi şəhərin yaşayış binalarında sığınacaqlar yaratmağa başlayıb.
Komissiya rəhbəri Gints Rinsons ilin sonuna qədər hər ay 100 sığınacaq hazırlayacaqlarını deyib.
Yerli mediaya danışan Rinsons “İctimai binalar, məktəblər, xəstəxanalar və bələdiyyə binalarının zirzəmiləri araşdırılacaq və sığınacaq kimi istifadəyə hazır vəziyyətə gətiriləcək”, – deyib.
Yanvarda üç Baltikyanı ölkə Kremlin artan təcavüzü davam edərkən Rusiya və müttəfiqi Belarusa qarşı ortaq müdafiə zonası qurmaq uçun qərara gəlmişdi.
Üç ölkənin müdafiə nazırləri, şərq sərhədlərində “hücum əngəlləyici müdafiə qərargahının” inşasını və artilleriya əməkdaşlığı üçün Riqada toplaşmışdılar.
Estoniyanın müdafiə naziri Hanno Pevkur həmin vaxt verdiyi açıqlamada, “Rusiyanın Ukraynadakı müharibəsi göstərdi ki, Estoniyanı qorumaq üçün texnika, sursat və canlı qüvvəyə, eləcə də sərhədin ilk metrindən fiziki müdafiə vasitələrinə ehtiyacımız var”, – demişdi.
Estoniyanın ictimai mediası ERR-in məlumatına görə, ölkə təxminən 295 kilometrlik Rusiya sərhədi boyunca 60 milyon avroluq ilkin büdcə ilə 600 sığınacaq tikiləcək.
Müdafiə Nazirliyi hər biri 10 əsgər üçün nəzərdə tutulmuş sığınacaqların tikintisinə 2025-ci ilin ilk aylarında başlamağı planlaşdırır.
çap et