ABŞ-ın paytaxtı Vaşinqtonda NATO-nun 75-ci dövlət və hökumət başçıları sammiti keçirilir. Zirvə toplantısında, “bölgədə cənubdakı tərəfdaşlarla daha güclü, strateji və nəticəyönümlü bir yanaşma və qlobal təhlükəsizlik mühiti qurmaq üçün hazırlanmış fəaliyyət planı” çərçivəsində Yaxın Şərq və Şimali Afrika (MENA) bölgəsində yeni zəmin yaratmağa qərar verilib”.NATO Yaxın Şərq və Şimali Afrika regionunda ilk əlaqə ofisini İordaniyanın paytaxtı Əmmanda açacağını açıqlayıb.
Bəyanatda bildirilib ki, ofis açmaq qərarı NATO ilə İordaniya arasında “dərin strateji tərəfdaşlıqda mühüm mərhələdir”: “Əmmanda NATO Əlaqə Bürosunun açılması uzun illər davam edən əməkdaşlığın təbii irəliləyişidir. NATO ilə İordaniya arasında münasibətləri sabit və daha da inkişaf etdirdi”.
“Bu qərar İordaniyanın həm regional, həm də qlobal miqyasda sabitlik amili kimi mühüm rolunu və onun transmilli təhdidlərlə, o cümlədən terrorizm və zorakı ekstremizmlə mübarizədə uzun müddət davam edən aparıcı rolunu vurğulayır”, - bəyanatda deyilir.
Bəyanatda bildirilib ki, ofis nümayəndəlik kimi fəaliyyət göstərəcək. Beləliklə, NATO ilə İordaniya arasında ümumi maraq doğuran sahələrdə siyasi dialoq və praktiki əməkdaşlığı gücləndirməklə ikitərəfli münasibətləri inkişaf etdirməyi hədəfləyir.
Ofis NATO-İordaniya hakimiyyət orqanları arasında mütəmadi təmaslara imkan verəcək ki, “milli və regional konteksti daha yaxşı başa düşmək və strateji təhlil, mülki fövqəladə halların planlaşdırılması və hazırlıq, böhranın idarə edilməsi, ictimai diplomatiya, kibertəhlükəsizlik və iqlim dəyişikliyi, tərəfdaşlıq proqramlarının və fəaliyyətlərinin, o cümlədən, işlənib hazırlanmasına və həyata keçirilməsinə töhfə verəcəyi” bildirilib.
çap et