ABŞ-ın daxili təhlükəsizlik naziri Alejandro Mayorkas keçmiş prezident Donald Trampa qarşı sui-qəsdin qarşısının alınmamasını “uğursuzluq” kimi qiymətləndirib.Seçki mitinqində Trampa silahlı hücumun necə baş verə biləcəyi ilə bağlı müzakirələr davam edir. CNN-ə danışan Nazir Mayorkas Trampa qarşı sui-qəsd cəhdi ilə bağlı deyib: "Belə bir hadisə baş verə bilməz. Burada uğursuzluqdan danışırıq”.
Mayorkas kim(lər)in “uğursuz” olması ilə bağlı təfərrüatları açıqlamasa da, “biz bunun necə və niyə baş verdiyini müstəqil araşdırma vasitəsilə təhlil edəcəyik. Bunun bir daha təkrarlanmaması üçün tövsiyələr və nəticələr təqdim edəcəyik”, – deyib.
***
Ağ Evdə keçirilən gündəlik mətbuat konfransında jurnalistlərin suallarını cavablandıran Mayorkas, FTB-nin müstəqil araşdırma ilə yanaşı, cinayət araşdırması da apardığını bildirib.
Mayorkas, hadisənin çox yeni olduğuna və müstəqil araşdırmanın və şübhəlinin bu hərəkətə motivasiyasının öyrənilməsinin vaxt ala biləcəyinə diqqət çəkdi.
Ağ Evin sözçüsü Karin Jan-Piyer də hücumdan sonra prezident Co Baydenin siyasi zorakılığa qarşı çıxaraq ölkədəki gərginliyi azaltmaq üçün səylər göstərdiyini bildirib.
Jan-Piyer, Trampın bu gün “vitse-prezidentliyə” namizədi olaraq elan etdiyi Respublikaçı Ohayo senatoru Ceyms Devid Vansın sui-qəsd cəhdində Baydenin ritorikasını günahlandıraraq verdiyi açıqlama ilə bağlı sualı cavablandırarkən və “Biz hadisəni siyasiləşdirməyəcəyinizdən əmin olmaq istəyirik. İndi ritorika ilə məşğul olmağın zamanı deyil. Amerika xalqını bir araya gətirmək istəyirik”, – deyib.
çap et