ABŞ-ın keçmiş prezidenti və Respublikaçılar Partiyasından ABŞ seçkilərində prezidentliyə namizəd Donald Tramp sui-qəsd cəhdindən sonra ilk dəfə ictimaiyyət qarşısına çıxıb.Tramp Miluoki ştatında keçirilən (Milwaukee) Respublikaçılar Partiyasının Milli Konqresində iştirak edib.
Konqres iştirakçıları Trampı alqışlar və qışqırıqlarla qarşıladıqları halda, keçmiş prezident onları təbəssümlə reaksiya verib.
Konqresə qulağında sarğı ilə qatılan Trampı elan etdiyi vitse-prezidentliyə namizəd Ceyms Devid Vens müşayiət edib.
ABŞ-ın keçmiş prezidenti Tramp şənbə günü Pensilvaniya ştatında mitinqdə tribunadan tərəfdarlarına müraciət edərkən ona silahla hücum edilib. Hücumda mitinqə qatılan 1 nəfər ölüb, 2 nəfər yaralanıb.
ABŞ Məxfi xidməti mitinq sahəsinin kənarındakı yüksək yerdən kürsüyə qədər dəfələrlə atəş açan hücumçunun zərərsizləşdirildiyini açıqlayıb.
ABŞ Federal Təhqiqat Bürosu (FTB) hücumu sui-qəsd cəhdi kimi qiymətləndirib.
Araşdırmalardan sonra FTB sui-qəsdə cəhd edən və hadisə yerində öldürülən şəxsin 20 yaşlı Tomas Metyu Kruks olduğunu açıqlayıb.
çap et