İngiltərənin həftəlik «Ekonomist» jurnalı son buraxılışında Türkiyədəki seçkilərdən yazıb. Avropa.info-nun Türkiyə mətbuatına istinadən məlumatına görə, jurnal «Bağışlayan ol, böyük sultan» adlı yazıda Ərdoğanın gözlənilməz qələbəsindən bəhs edib. Jurnal Ərdoğanın açıq fərqlə qazandığı qalibiyyətdən sonra böyüklük göstərməsi lazım olduğunu qeyd edib.
«Ekonomist» Gəzi hadisələrində Ərdoğanın sultan geyimində şəklini çəkərək üz qabığının fotosu etmişdi. Şəkilin altına isə, «Demokratdır, yoxsa sultan?» yazmışdı.
Jurnal son buraxılışında isə Ərdoğanın müxalifəti çaş-baş saldığını xüsusi vurğulayır. Jurnalı ən çox narahat edən isə baş nazirin getdikcə daha da avtoritar davranması və nəticədə Türkiyədə qütbləşmənin yayılmasıdır.
Jurnal yazır: «90-cı illərin xaosundan sonra Türkiyə 10 il Ərdoğanın idarəçiliyi ilə sabit, çiçəklənən bir dövr keçirdi».
«Ekonomist» Ərdoğanın prezidentliyə namizəd olmağa hazırlaşdığını yazıb: «Ərdoğan Cümhuriyyətin 100-cü ilində, daha dəqiq 2023-cü ildə prezident postunda oturaraq Atatürkdən sonra Türkiyənin ən böyük lideri olduğunun qeyd etmək istəyir».
Jurnal qeyd edir ki, Atatürkün də avtoritar davranışları olub, lakın o türklər tərəfindən «birləşdirici» bir şəxsiyyət olaraq xatırlanır: «Əgər cənab Ərdoğan da eyni şəkildə xatırlanmaq istəyirsə, sadəcə ona səs verənlərin deyil, bütün türklərin mənfəətini təmsil etsin».
çap et