Noyabrın 5-də ABŞ-da keçirilməsi planlaşdırılan prezident seçkilərində Arizona, Corciya, Miçiqan, Nevada, Şimali Karolina, Pensilvaniya və Viskonsin kimi “yelləncək ştatlar” (swing states) böyük əhəmiyyət kəsb edir. “The Times/SAY 24” “yelləncək əyalətlər” – qərarsız seçicilərin seçki nəticələrini təyin edəcəyi yerlərdə sorğu keçirib.
Son sorğuda, noyabrda keçiriləcək prezident seçkilərində Respublikaçılar Partiyası tərəfindən namizədliyi rəsmən təsdiqlənən Donald Trampın rəqibi, Demokratlar Partiyasının namizədi, prezident Co Baydeni qabaqladığı bildirilib.
“The Times/SAY 24” tərəfindən aparılan sorğu, “yelləncək ştatlar”da Tramp və Bayden arasında yekun səs payını ortaya qoydu.
Sorğu göstərdi ki, Tramp ABŞ-da prezident seçkilərinin müəyyənləşdirilməsində mühüm rol oynayan Arizona, Corciya, Miçiqan, Nevada, Şimali Karolina, Pensilvaniya və Viskonsin ştatlarında Baydenə qarşı yarışda liderlik edir.
Tramp Arizonada 7 xalla Bayden üzərində ən böyük üstünlüyə malik olduğu halda, o, Viskonsin ştatında 5 xal, Şimali Karolina, Corciya və Nevada ştatlarında hərəyə 4 xal, Pensilvaniyada 3 xal və Miçiqanda 2 xalla öndə olub.
Bu həmin ştatlarda sorğuda iştirak edənlərin təxminən 10 faizi hələ də “tam qərar vermədiklərini” desələr də, noyabr seçkilərində müstəqil namizəd kimi iştirak etmiş kiçik Robert Kennediyə səs verməyi düşündüklərini deyənlərin nisbəti, 3 ilə 5 faiz arasında qalıb.
Sorğuda diqqəti çəkən məqam odur ki, Bayden sözügedən 7 ştatda Trampdan geri qalsa da, Demokrat Senat namizədləri yarışda Respublikaçı rəqiblərini qabaqlayırdı.
Sorğu 4-12 iyul tarixlərində 7 ştatın hər birində təxminən 1000 respondentlə aparılıb.
ABŞ-da prezident və aralıq seçkilərinin taleyini hər dövr Demokratlar və Respublikaçılar arasında dəyişən və “yelləncək ştatlar” adlandırılan əyalətlər müəyyən edir. Partiyalar xüsusilə tənqidi “qərarsız seçicilər” gördükləri bu “yelləncək ştatlar”da təşviqat səylərini cəmləşdirirlər.
çap et