Akkumulyatoru ixtira edən tədqiqatçılar bildirirlər ki, yeni texnologiya elektriklə işləyən avtomobillərin 1 milyon kilometr yol qət etməsinə şərait yarada bilər.Akkumulyatorun tutumu ilə yanaşı, onun istifadə müddəti hal-hazırda elektromobillərin əsas çatışmazlıqlarından biridir. Batareyalar bir müddət sonra zəifləyir və dəyişdirilməlidir. Bu da bahalı, ətraf mühitə zərərli və mürəkkəb prosesdir.
Problemin böyük bir hissəsi elektrik nəqliyyat vasitələrində istifadə olunan ikinci dərəcəli litium batareyalarının öz yükünü saxlama üsulundan qaynaqlanır. Onlar elektrik enerjisini kimyəvi enerjiyə çevirərək saxlayır və istifadə üçün yenidən elektrik enerjisinə çevirirlər.
Batareyalar bunu proses üçün tələb olunan yüksək miqdarda litium ionlarını saxlaya bilən nikel katod materiallarından istifadə etməklə edir. Lakin nikel əsaslı materiallar kiçik kristallardan ibarətdir və yükləndikcə və boşaldıqca tədricən zəifləyə bilər.
Tədqiqatçılar düşünürlər ki, bu problem katod materialını tək böyük hissəcik və ya kristal şəklində istehsal etməklə həll edilə bilər ki, bu da keyfiyyətini itirmə ehtimalı azdır.
Yeni araşdırmada tədqiqatçılar yüksək keyfiyyətli monokristal materialları istehsal etmək üçün düzgün temperaturun müəyyən edilməsinə diqqət yetiriblər. Materialın tutumuna və uzunmüddətli performansına təsirini yoxlamaq üçün müxtəlif temperatur diapazonunu sınaqdan keçirildi.
Onlar materialların yüksək keyfiyyətli və nisbətən sadə şəkildə istehsal oluna biləcəyi kritik bir temperatur kəşf etdilər. Beləliklə, materiallar daha uzun sürəcək.
Temperatur aşıldığında “bərkləşmə” deyilən bir proses baş verir və materialın içindəki hissəciklər böyüyərək boş yerləri doldurur.
Bununla belə, materiallar son dərəcə davamlı olur və keyfiyyətini itirmir. Buna görə də daha uzun müddət davam edə bilər.
“Biz nikel əsaslı katod materiallarının davamlılığı üçün yeni sintez strategiyası təklif etdik”, – deyə tədqiqatın aparıldığı “Pohang Elm və Texnologiya Universitetindən” Kyu-Yanq Park bildirib.
Elektrikli avtomobillər üçün ikinci dərəcəli akkumulyatorları daha ucuz, daha sürətli və daha uzun ömürlü etmək üçün araşdırmalarımızı davam etdirəcəyik.
çap et