Venesuelanın paytaxtı Karakasda keçirilən mitinqdə çıxış edən prezident Nikolas Maduro ictimaiyyəti iyulun 28-də keçiriləcək prezident seçkilərində səs verməyə çağırıb. Argentina prezidenti Xavyer Mileyi tənqid edən Maduro, “Milei Argentinanı qrinqo (ABŞ) müstəmləkəsinə çevirdi, nə faşizm, nə də kapitalizm Venesuelanı ələ keçirməyəcək”, – deyib.Venesuela prezidenti, “seçkilərə az qalmış xalqın son dərəcə ayıq və şüurlu olduğunu görürəm. Sizi 28 iyulda böyük qələbəyə hazır görürəm. İrqçi oliqarxiyaya qarşı mübarizəyə hazırıq”, – deyib.
Maduro seçki kampaniyası çərçivəsində 250-dən çox şəhər və qəsəbəyə baş çəkdiklərini və həqiqətləri ictimaiyyətə çatdırdıqlarını bildirib.
Venesuela xalqı yeni prezidenti seçmək üçün iyulun 28-də seçkiyə gedəcək.
Seçkilərin prezident Nikolas Maduro ilə müxalifətin ümumi namizədi Edmundo Qonzales arasında keçiriləcəyi gözlənilir.
çap et