Keçən həftə hücuma məruz qalan ABŞ-ın keçmiş prezidenti Donald Trampın əlavə təhlükəsizlik tələblərinin iki il ərzində Gizli Xidmət tərəfindən rədd edildiyi ortaya çıxıb. Hesabat ABŞ-ın gündəmində bomba effekti yaratdı. Məxfi xidmət əvvəlcə bu iddiaları təkzib etsə də, sonradan Trampın bəzi xahişlərinin rədd edildiyini etiraf edib.“Washington Post” başqa bir xəbərdə Demokrat Partiyası donorlarının Baydenin namizədlikdən geri çəkilməsi üçün təzyiqləri artırdığını yazarkən, Donald Trampın komandasının Baydenin geri çəkiləcəyi təqdirdə onun yerinə gələcək Kamala Harrisi devirmək üçün hazırlıqlara başladığı iddia edildi.
Mənbələr “New York Times”a bildiriblər ki, Trampın komandasının hücum planında əsas diqqət Harrisin hazırkı rekordu və Kaliforniyadakı vəzifəsində olduğu müddətdir.
İddialara görə, Trampın seçki kampaniyası strateqləri Harris haqqında araşdırma kitabları hazırlayırlar. Anti-Harris bannerləri, reklam çarxları və sosial media videoları artıq mövcuddur.
Üstəlik, bu hazırlıq təkcə Harris üçün deyil, Baydeni əvəz edə biləcək bütün potensial namizədlər üçün edilir.
çap et