ABŞ prezidenti Bayden prezidentlik yarışından geri çəkildikdən və vitse-prezident Kamala Harrisin varisi olaraq namizədliyini irəli sürdükdən sonra Harris 2 gün ərzində Demokrat Partiyasının Konqresində prezidentliyə namizəd kimi irəli sürülmək üçün kifayət qədər səsə sahib olub.AP-nin keçirdiyi sorğu göstərdi ki, ötən gecə Harrisin mövcud partiya qaydalarına görə namizəd olmaq üçün ilk səsvermədə qalib gəlməsi üçün lazım olan 1976 nümayəndədən qat-qat çox dəstəyi var.
AP-nin çatdığı nümayəndələrdən heç biri başqa namizədin adını çəkməyib. Sorğunun nəticələrinin qəti olmadığı və dəyişə biləcəyi vurğulanıb.
***
“Axios”un verdiyi məlumata görə, Demokratik Milli Komitəsinin (DNC) sədri Ceymi Harrison jurnalistlərə “Biz prezidentliyə namizədimizi avqustun 7-dək müəyyən edəcəyik”, – deyib.
DNC avqustun 7-dək iclas keçirəcək. Bu iclasda prezidentliyə namizədin müəyyənləşdirilməsi üçün səsvermə olacaq. Virtual səsverməyə 300-dən çox nümayəndənin dəstəyini alan namizədlər daxil ola bilər.
Xatırladaq ki, İyunun 27-də Trampla canlı yayım debatındakı çıxışından sonra Bayden səhhətinin başqa bir prezidentlik müddətinə uyğun olmadığı səbəbilə partiya daxilindən yarışdan geri çəkilmək üçün təzyiqə məruz qalıb. ABŞ Prezidenti noyabrın 5-də keçiriləcək prezident seçkilərində namizədliyini geri götürdüyünü açıqlayıb və öz yerinə müavini Kamala Harrisi göstərərək onu dəstəklədiyini bildirib.
çap et