Seçkilərdən geri çəkilmə təzyiqlərinə davamlı olaraq 'davam et' mesajı ilə cavab verən prezident Bayden qısa zamanda fikrini dəyişdi. Baydenin yarışı dayandırmasında dörd inkişaf təsirli oldu.
Bir neçə həftədir ki, ABŞ ictimaiyyətində namizədliyini geri götürməsi üçün prezident Co Baydenə güclü təzyiqlər olsa da, 82 yaşlı siyasətçi noyabrın 5-də keçiriləcək seçkilərdə respublikaçı rəqibi Donald Trampla qarşılaşmaqda israr edib. Kampaniya hesabında "Seçkiləri qazanacağam" paylaşımını edən Bayden şok oldu İki mesaj arasında cəmi 18,5 saat fərq var idi.
***
Keçən həftə “COVİD-19” diaqnozu qoyulduqdan sonra Delaverdəki yay evində karantinə girən Bayden, şənbə günü günortadan sonra yaxın məsləhətçilərindən biri olan Stiv Rikkettini və baş kampaniya strateqi Mayk Donilonu öz iqamətgahına dəvət edib. Prezident və onun iki müşaviri günorta görüşüblər və gecə gec saatlara qədər Baydenin prezidentlik yarışından çıxdığını elan etdiyi açıqlama üzərində işləyiblər. İki nəfərdən başqa, qərardan xəbərdar olan yeganə şəxs birinci xanım Cill Bayden olub. Bayden qərarını bazar günü geri çəkilmə məktubunu dərc etməzdən bir neçə dəqiqə əvvəl Ağ Ev rəsmiləri ilə videokonfransda açıqlayıb.
MƏTBUAT DƏSTƏKİNDƏN MƏHRUM OLDU: Bayden Demokratik mətbuatın dəstəyini, Demokrat Partiyasının mühüm simalarını, kampaniya donorlarını və sorğulara görə Demokratik Partiya seçicilərinin dəstəyini itirməyə başladığını anladıqdan sonra geri çəkilmək qərarına gəlib. İyunun 27-də Trampa qarşı zəif performans göstərdiyi canlı debatdan sonra Bayden əvvəlcə Demokrat Partiyasına yaxın media qurumlarının dəstəyini itirib. CNN, “New York Times”, MSNBC, “Wall Street Journal” kimi bir çox qəzet və televiziya kanalları prezidentin namizədliyini geri götürməsi ilə bağlı xəbərləri və şərhləri intensiv şəkildə işıqlandırmağa başlayıb. Əslində, “Washington Post” qəzeti hətta bu yaxınlarda öz saytında “Baydeni istefaya çağıran demokratların siyahısını” yerləşdirmişdi.
AĞIR TOPLAR TƏRK EDİLDİ: Birbaşa təsdiqlənməsə də, Konqresdəki partiya liderlərinin, eləcə də Nensi Pelosi və Barak Obama kimi nüfuzlu şəxslərin Baydenə dəstəyini dayandırdığı iddia edildi. ABŞ prezidenti seçkiyə getməsilə bağlı müqavimət göstərəndə ABŞ Konqresindəki 38 Demokrat Partiyası üzvü Baydeni açıq şəkildə namizədlikdən geri çəkilməyə çağırıb. Çünki demokratlar həm Konqresdə, həm də prezidentlikdə böyük məğlubiyyətlərə məruz qalmaqdan narahat idilər.
DONORLAR PULLARI KƏSDİ: Baydenə təsir edən digər amil kampaniya donorlarının dəstəyinin tədricən azalması idi. Bir çox mühüm donor Baydeni yarışdan çəkilməyə çağırış etdi, ianələrdə əhəmiyyətli azalma müşahidə edildi. Bəzi donorlar ümumiyyətlə Bayden çəkilməyənə qədər “pul yoxdur!” dedilər.
SORĞULAR PİS NƏTİCƏLƏR: Baydenə qərarsız demokratların sayının artdığını və yelləncək ştatlarında Trampın geridə qaldığını göstərən çoxsaylı sorğular təqdim edildi və onun müşavirləri vəziyyətin daha da pisləşəcəyini söylədilər.
BİRİNCİ XANIMDAN ƏHƏMİYYƏTLİ DƏSTƏK: FIRST Lady Cill Bayden əri Conun “X” sosial media platformasında “ürək emojisi” əlavə edərək namizədlik yarışından geri çəkildiyini elan etdiyi açıqlamanı dəstəklədi. 81 yaşlı ABŞ liderinin rəqibi Trampla debatda zəif çıxışından sonra geri çəkilmək təzyiqinə müqavimət göstərməsində həyat yoldaşı Cil Baydenin təsirli olduğu bildirilirdi.
Bütün bu iddiaları nəzərdən keçirəndən sonra Türkiyənin 2000-ci iilərin əvvəllərində yayımlanan və indinin özündə də sevilərək izlənilən “Qurdlar vadisi” serialının qəhrəmanlarından Mehmet Karahanlının sözləri yerinə düşür: “Qurdluqda düşəni yemək qanundur”.
çap et