Avstraliyada 55 il əvvəl fırtınada qalaraq batan və 26 ekipaj üzvündən 21-nin öldüyü yük gəmisinin qalıqları tapılıb. Ölkə mətbuatında çıxan xəbərlərə görə, 25 avqust 1969-cu ildə sulara qərq olan “MV Noongah” gəmisinin qalıqları 170 metr dərinlikdə tapılıb.Gəminin yeri yüksək rezolyusiyaya malik dəniz dibinin xəritəsi və video görüntülərindən istifadə edilməklə müəyyən edilib və qalıq əsasən bütöv və dik vəziyyətdə aşkar edilib.
Həmin dövrdə 26 nəfərlik heyəti olan və poladla yüklü fırtınaya düşərək Yeni Cənubi Uelsin sahillərində batan “MV Noongah” yük gəmisi üçün Avstraliya tarixində “ən böyük dəniz axtarış-xilasetmə işlərindən” biri həyata keçirilib.
Gəmi batdıqdan dərhal sonra ekipajdan 5-i xilas edilsə də, 21-i həyatını itirib.
çap et