Almaniyada daxili kəşfiyyata cavabdeh olan Konstitusiyanın Mühafizəsi Təşkilatı (BfV) Rusiyanın Avropada təxribat fəaliyyətinin artdığı barədə xəbərdarlıq edib. Təşkilat öz internet səhifəsində “Sabotajdan qorunma” başlıqlı bəyanat yayıb.BfV-nin internet saytında edilən açıqlamada, Rusiyanın Avropaya yönəlik təxribat fəaliyyətlərində artım olduğu xəbərdarlığı edilərək, Rusiya xüsusi xidmət orqanları tərəfindən xüsusilə Alman şirkətlərində çalışanların sosial media profillərini araşdırıldığına dair tapıntılara diqqət çəkilib.
“Sabotajdan qorunma” başlıqlı bəyanatda aşağıdakılar qeyd olunub: “Rusiyanın Almaniyada və Avropada təxribat aktları törətməsi riskinin dərəcəsi Rusiyanın Ukraynaya qarşı işğalçı müharibəsi ətrafında vəziyyətin və Rusiya ilə Qərb arasında davam edən münaqişənin inkişafından asılıdır. 2023-cü ildən bəri bütün Avropada müşahidə olunan halları və Almaniyada mümkün fəaliyyətlərlə bağlı artan göstəriciləri indi yenidən gözdən keçirməyə məcbur edir. Almaniyada təxribat fəaliyyətləri və ya müvafiq hazırlıq əməliyyatları riski artır”.
Alman mətbuatının yazdığına görə, rusiyapərəst hakerlər tərəfindən hakimiyyət orqanları və şirkətlərinin internet saytlarına qarşı kiberhücumlar aşkarlanmaqda davam edir.
Təxminən iki həftə əvvəl ABŞ kəşfiyyatı Almaniya hakimiyyətinə Rusiyanın Ukrayna üçün artilleriya mərmiləri və hərbi maşınlar istehsal etdiyi bildirilən məşhur alman silah istehsalçı şirkətinin baş menecerinə sui-qəsd təşkil etməyi planlaşdırdığı barədə məlumat verib.
çap et