Pezeşkianın prezidentliyi rəsmiləşdi

Təbrizli keçmiş millət vəkili: “İnsanlara bütün qəlbimlə xidmət edəcəm”

İranın paytaxtı Tehranda İmam Xomeyni Hüseyniyyəsində keçirilən sertifikat mərasimində İran lideri Xameneyi və Pezeşkian, həmçinin prezident vəzifəsini müvəqqəti icra edən Məhəmməd Muhbir, parlamentin sədri Məhəmməd Baqir Qalibaf, məhkəmə hakimiyyətinin başçısı Qulamhüseyn Möhsini Ejei və digər yüksək səviyyəli rəsmilər iştirak ediblər.

Daxili işlər naziri Əhməd Vahidi 14-cü dövr prezident seçkiləri ilə bağlı hesabatı təqdim etdikdən sonra Xameneyi Pezeşkiyanın prezidentliyini təsdiqləyib və ona seçilmək haqqında şəhadətnaməni təqdim edib.

Mərasimdə çıxış edən Xameneyi seçki ilə bağlı müzakirələrin sona çatması lazım olduğunu ifadə edərək, “seçkidə uduzan yoxdur. Millət qalib gəldi. Xalq dəyərli bir prezident seçdi. Hamımız ona və hökumətinə böyük nailiyyətlər əldə etməkdə kömək etməliyik, – deyib.

Ölkəsinin xarici siyasət üstünlükləri ilə bağlı dəyərləndirmələr edən Xameneyi, əvvəlki hökumət dövründə qonşularla münasibətlərə üstünlük vermə siyasətinin davam etdirilməsi lazım olduğunu vurğulayaraq, “Xarici siyasət sahəsində prioritetlərimiz qonşularımız, Asiya və Afrika kimi ölkələrdir. Bizim Avropa ölkələrinə qarşı heç bir düşmənçiliyimiz yoxdur, amma onlar bizə qarşı sonuncudurlar”, –deyib.

***

Prezident Məsud Pezeşkian, “mən bu insanlara bütün qəlbimlə xidmət edəcəyimə söz verirəm və şəhidlərimizin, bu vətən üçün canlarını fəda edənlərin yolunu davam etdirəcəyimə söz verirəm”, – deyib.

İran lideri Xameneyinin irəli sürdüyü viziyona uyğun hərəkət edəcəyini bildirən Pezeşkiyan, “liderin ümumi siyasətlərinin çərçivələrini fəaliyyətə çevirməliyik. Birləşib bu siyasətləri həyata keçirsək, ölkə ən yaxşı nöqtəyə çatacaq, – deyib.

İranda iyulun 5-də keçirilən prezident seçkilərinin ikinci turunda islahatçı Təbriz millət vəkili və keçmiş səhiyyə naziri Məsud Pezeşkian səslərin 53,7 faizini toplayaraq ölkənin 9-cu prezidenti olub.

İyulun 30-da parlamentdə bir çox ölkələrin dövlət başçıları və nazirləri də daxil olmaqla nümayəndələrin iştirakı ilə Pezeşkianın andiçmə mərasimi keçiriləcək. Bundan sonra Pezeşkian kabinetini etimad səsverməsi üçün parlamentə təqdim edəcək.