Venesuela müdafiə naziri Vladimir Padrino Lopez seçki prosesinin sülh yolu ilə tamamlandığını bildirərkən, Venesuela Milli Seçki Şurasından başqa bir açıqlama gəlib və Nikolas Maduronun prezident seçkilərində qalib gəldiyi qeyd olunub.
Venesuela Milli Seçki Şurasının (CNE) prezidenti Elvis Amoroso hazırkı prezident Nikolas Maduronun prezident seçkilərində qalib gəldiyini açıqlayıb.
Amoroso açıqlamasında qutuların 80 faizinin açıldığını bildirərək, 10 namizədin mübarizə apardığı prezident seçkilərində Böyük Vətənpərvər Qütbün (Gran Polo Patriotico) namizədi Maduronun qalib gəldiyini açıqlayıb. İlk nəticələrə görə, Maduro 51,20 faiz səslə üçüncü dəfə prezident seçkilərində qalib gələcəyinə zəmanət verib. Müxalifət koalisiyasının Birləşmiş Demokratik Platformasının (PUD) namizədi Edmundo Qonzales 44,20 faizlə ikinci yerdədir.
CNE prezidenti Amoroso, namizədlər üçün nəticələrin təfərrüatlarının yaxın saatlarda CNE saytındakı cədvəllərdə dərc ediləcəyini söyləyib. Seçiçi fəallığının 59 faiz iştirak etdiyi seçkidə qalib gələn namizəd 2025-ci il yanvarın 10-da ölkənin yeni prezidenti kimi and içəcək.
Bundan əlavə, müdafiə naziri prezident seçkilərinin sülh şəraitində başa çatdığı üçün ictimaiyyətə təşəkkür edib: “Bütün logistika və seçki əməliyyatları mükəmməl intizam və əmin-amanlıq şəraitində keçdi. İnsanlar istədikləri kimi səslərini verdilər. Bu milli konsensusa görə hər kəsə və bütün qurumlara təşəkkür edirəm”. Paytaxt Karakasda mətbuata açıqlama verən Lopez, kiçik insidentləri də istisna etməyib.
Venesuela xalqının yeni mərhələyə keçdiyini qeyd edən Lopez, “Venesuela xalqı cinayət sanksiyalarını rədd edib, onlara qarşı çıxdılar. Sözün açığı, son seçkilərdə belə sülh və vətəndaş şüuru görməmişdik, – deyib.
Küçələrdə baş verə biləcək zorakılıq hallarına qarşı lazımi tədbirləri gördüklərini vurğulayan Lopez, demokratiya və sülhü hər zaman müdafiə edəcəklərini bildirib.
çap et