Hindistanda tez-tez baş verən qatar qəzalarına yenisi əlavə edilib. Ölkənin şərqindəki Carxand əyalətinin Qərbi Sinqhbhum bölgəsində sərnişin qatarının 18 vaqonu relsdən çıxıb. Yerli vaxtla saat 03.39 radələrində baş verən qəza nəticəsində 2 nəfər ölüb, 20 nəfər yaralanıb.İlkin araşdırmalara görə, qəza əks istiqamətdən gələn yük qatarının relsdən çıxaraq Qərbi Benqal əyalətinin Hovrah şəhərindən Mumbaydakı Çatrapati Şivaci Maxarac Terminalına gedən sərnişin qatarına çırpılması nəticəsində baş verib. Qəzadan sonra 5 qatarın uzun, marşrut üzrə isə 4 qatarın hərəkəti qısa müddətə dayandırılıb.
Dəmiryol rəsmiləri sərnişinlərin çoxunun avtobuslarla ən yaxın qatar stansiyasına aparıldığını və başqa qatarda yola davam edəcəklərini bildirdilər. Rəsmilər bildiriblər ki, relsdən çıxan 18 vaqondan 16-sı sərnişin vaqonu, biri dartı vaqonu, digəri isə ərzaq saxlanılan vaqon olub.
çap et