2023-cü ildə Belarusda həbs edilən, terrorizmdə və radikal təşkilata üzv olmaqda mühakimə olunan və ötən ay ölüm cəzasına məhkum edilən Almaniya vətəndaşı Riko Krigerə şad xəbər gəlib.Prezident Aleksandr Lukaşenko dünən (30 iyul) Krigerin əfv edildiyini açıqlayıb. Almaniya Xarici İşlər Nazirliyi də bu xəbəri təsdiqləyib.
Keçən il Belarus dövlət televiziyasında yayımlanan müsahibəsində Riko Kriqer Ukrayna Təhlükəsizlik Xidmətinin (SBU) əmri ilə paytaxt Minskin cənub-şərqindəki dəmir yolu xəttinə partlayıcı maddələr yerləşdirdiyini etiraf edib. Partlayıcının işə düşməsi zamanı xəsarət alan olmayıb.
Qərb mediası 30 yaşlı Krigerin danışmağa məcbur edildiyini iddia edib.
Cümə axşamı dövlət televiziyasında yayımlanan başqa bir videoda Riko Krigerin Belarus prezidenti Aleksandr Lukaşenkodan mərhəmət dilədiyi görülüb.
Krieger də son müsahibəsində etiraf edib ki, o, Belarusdakı hərbi bölgələrin fotolarını çəkib.
Almaniyanın xarici işlər naziri Annalena Baerbok cümə günü Belarus hakimiyyətinin münasibətini sərt şəkildə tənqid edib: “Belarus rejiminin Almaniya vətəndaşını televiziyada ifşa etməsi qəbuledilməzdir”.
Nazirlik və Almaniyanın Belarusdakı səfirliyinin həm Krieger, həm də ailəsi ilə yaxın dialoq qurduğunu ifadə edən Baerbok, “Bu şəxsin hüquqlarının qorunması üçün əlimizdən gələni edirik”, – dedi.
Bu amnistiyanın Belarusun yaxın müttəfiqi olan Rusiyanın casusluqda təqsirli bilinən ABŞ vətəndaşı Evan Qerşkoviçdən ölkədəki digər qərbli məhbuslarla mübadilədə istifadə edə biləcəyi barədə şayiələr yayıldığı bir vaxtda verilməsi diqqət çəkib.
Moskva həmçinin Almaniyada qətldə təqsirli bilinərək ömürlük həbs cəzasına məhkum edilmiş Vadim Krasikov kimi şəxslərin ekstradisiyasını istəyir.
“Reuters” xəbər verir ki, son günlər Rusiya həbsxanalarından yoxa çıxan müxaliflər də hərtərəfli mübadilə yolu ilə Qərbə göndərilə bilər və bu şəxslərin sayı ən azı 7 nəfərdir.
Bunun üçün Rusiya prezidenti Vladimir Putin onları əfv etdiyini rəsmən bəyan etməlidir.
Kreml Londonda yerləşən xəbər agentliyinin sorğusunu rədd edib.
çap et