Yeni Zelandiyanın Oklend şəhərində evsiz insanlara kömək edən xeyriyyə təşkilatı təsadüfən tərkibində "ölümcül doza" metamfetamin olan konfet paylayıb.“Auckland City Mission” xeyriyyə təşkilatı öz rəsmi saytında verdiyi açıqlamada yüksək dozada metamfetamin olan konfetlərin naməlum şəxs tərəfindən dərnəyə bağışlandığını açıqlayıb.
Müfəttiş Qlenn Baldvin (Glenn Baldwin), bağışlanan konfetləri istehlak edənlərin əksəriyyətinin "iyrənc" dadına görə onları tüpürdüyünü və bir adamın konfetin dadı ilə bağlı dərnəyi xəbərdar etməsindən sonra məsələnin səlahiyyətlilərə bildirildiyini bildirdi.
Baldvin konfetin dadına baxan işçi də daxil olmaqla üç nəfərin xəstəxanaya yerləşdirildiyini, lakin sonradan evə buraxıldığını bildirdi.
Yeni Zelandiya Dərman Fondunun sözçüsü Ben Birks Anq da fondun apardığı sınaqlarda şirniyyatların hər birində metamfetamin miqdarının normadan 300 dəfə çox ola biləcəyini və bunun ölümcül nəticələrə səbəb olacağını bildirib. Anq narkotik maddələrin konfet kimi məhsullarda gizlədilməsinin adi bir transsərhəd qaçaqmalçılıq texnikası olduğunu və konfetin qara bazarda hər biri təxminən 1000 Yeni Zelandiya dolları (təxminən 600 dollar) dəyərində olduğundan, bunun şüurlu bir hücumdan çox təsadüfən edildiyini düşünürlər.
Son 6 həftədə bağışlanan konfetin nə qədərinin paylandığı və nə qədərində metamfetamin olduğu hələlik bəlli deyil.
Sözügedən şirniyyatları istehsal edən şirkət də verdiyi açıqlamada məhsullarında qeyri-qanuni dərman istifadəsini heç vaxt qəbul etmədiyini və konfetlərin “yanlış məqsədlə (istehsaldan sonra) istifadə oluna biləcəyini” açıqlayıb. Şirkət səlahiyyətlilərlə əməkdaşlıq edəcəklərini də bəyan edib.
Mərkəzi sinir sisteminə güclü təsir göstərən və yüksək dərəcədə asılılıq yaradan sintetik maddə olan metamfetamin ümumiyyətlə ağ, qoxusuz, acı dadı olan kristallaşmış toz şəklindədir və suda və ya spirtdə asanlıqla həll olunur.
çap et