Hindistan 31 yaşlı həkimin zorlanması və öldürülməsi ilə sarsılıb. Kəlkütə şəhərindəki dövlət xəstəxanasında çalışan stajor həkim zorlanaraq öldürülməsi ciddi ajiotaj doğurub. Ölkənin bir çox yerlərində xəstəxanalarda təcili yardım xidmətlər istisna olmaqla, bütün xidmətlər dayandırılıb. Banqladeş sərhədinə yaxın bir şəhərdəki dövlət xəstəxanasında baş verən vəhşilikdən sonra ölkədə minlərlə qadın etiraz etmək üçün küçələrə çıxıb.Əllərində şam və pankart tutan qadınlar bir çox şəhərlərdə yürüşlər təşkil ediblər. Hindistanın müxtəlif şəhərlərində bir çox dövlət xəstəxanası təcili xidmətlər istisna olmaqla, bütün xidmətləri dayandırsa da, intern həkimlər də ədalət tələb etmək üçün etiraz aksiyaları təşkil etdilər.
***
Dəhşətli zorlama və qətlə görə qəzəb artdıqca, Hindistanın Baş naziri Narendra Modi qadınlara qarşı cinayətlərin ciddi şəkildə cəzalandırılması lazım olduğunu söyləyib: “Biz cəmiyyət olaraq analarımıza, qızlarımıza, bacılarımıza qarşı edilən vəhşilikləri düşünməliyik. Ölkədə buna qarşı qəzəb var. Mən bu qəzəbi hiss edirəm”.
Hindistanın izdihamlı və tez-tez baxımsız qalan dövlət xəstəxanalarında işləyən həkimlər uzun müddətdir ki, çox işlədiklərindən və az maaş aldıqlarından şikayətlənirlər. Onlara göstərilən tibbi yardımdan qəzəblənən insanlar tərəfindən onlara qarşı zorakılığın qarşısının alınması üçün kifayət qədər işlər görülmür.
Milli Cinayət Qeydiyyatı Bürosunun (NCRB) keçən ilin sonunda açıqladığı məlumatlara görə, Hindistanda qadınlara qarşı cinayətlər 2022-ci ildə əvvəlki illə müqayisədə 4 faiz artıb.
çap et