İrkutsk qubernatoru İqor Kobzev Sibirdə qəzaya uğrayan rus bombardmançı təyyarəsinin pilotlarından birinin öldüyünü açıqlayıb.Rusiya rəsmilərinin açıqlamasına görə, qəza ötən gecə təlim uçuşu zamanı Tu-22M2 təyyarəsinin şəhər yaxınlığındakı boş əraziyə düşməsi nəticəsində baş verib.
“Telegram”da “Müdafiə Nazirliyinin Hərbi Komandanlığına” istinad edən Kobzev “qəza yerində axtarış-xilasetmə əməliyyatlarının gecə boyu davam etdiyini” bildirib. “Təəssüf ki, pilotlardan birini xilas etmək mümkün olmayıb”, – deyə o, bildirib.
Kobzev “Bu, böyük itkidir” deyərək, pilotun ailəsinə “dərin başsağlığı” verib.
Kobzev bombardmançının ekipajındakı digər xəsarət alan üç ekipaj üzvünün xəstəxanaya yerləşdirildiyini açıqlayıb. O bildirib ki, ilkin məlumata görə, qəzaya “texniki nasazlıq” səbəb olub.
çap et