Fransanın Herault əyalətində baş verən meşə yanğınlarında 400 hektardan çox əraziyə ziyan dəyib. BFMTV-nin məlumatına görə, Fransanın cənub sahillərində Herault əyalətində iki yerdə, biri Qardiol massivində, digəri isə Nissan-lez-Enseryün qəsəbəsində yanğın baş verib.
Qardiole massivində yerləşən Qiqa qəsəbəsində helikopterlə 450 yanğınsöndürən yanğının söndürülməsinə dəstək verərkən, A9 şossesi yaxınlığından keçən alov nəzarət altına alınıb.
Söndürmə işlərində Frontinyandakı bəzi özəl hovuzlardan da istifadə edilib. Müdaxiləyə baxmayaraq, 340 hektar ərazi yanıb.
Gecə saatlarında Qiqadan 60 kilometr aralıda yerləşən Nissan-lez-Enseryündə baş verən yanğını söndürmək üçün 220 yanğınsöndürən, 2 helikopter və bir yanğınsöndürmə təyyarəsi cəlb edilib.
Bu qəsəbədə 60 hektardan çox ərazi yanıb. Herault Qubernatorluğu yanğın təhlükəsi olan ərazilərdə əhalinin təxliyə edildiyini açıqlayıb.
çap et