Polşadan Cənubi Kiprə uçan 225 sərnişinli “Wizzair” təyyarəsi məcburi eniş edib. Paytaxt Varşavanın Şopen Hava Limanından Kiprin yunan administrasiyasının Larnaka şəhərinə uçan “Airbus A321” tipli təyyarədə pilot huşunu itirib.Hadisədən sonra ikinci pilot vəziyyəti dərhal qülləyə çatdırıb və təyyarənin təcili olaraq Varşavaya qaytarılması qərara alınıb.
Yerli vaxtla saat 07:00 radələrində qalxdığı hava limanına rahat eniş edən sərnişin təyyarəsinin halsız pilotu təcili tibbi yardım əməkdaşları tərəfindən xəstəxanaya aparılıb.
Larnakaya başqa təyyarə ilə göndəriləcək sərnişinlərin gözləməsi davam edir.
çap et