30 milyondan çox işçiyə birbaşa aidiyyəti olan Türkiyə Əmək Qanununa dəyişikliklərlə bağlı işlər davam edir. Hökumət maaşlardan iş saatlarına, ümumi tətil maaşlarından aktiv işə, həftəlik məzuniyyətdən illik məzuniyyətə qədər bir çox mövzuda yeni tənzimləmələr etmək səylərini sürətləndirib.Bu məsələ ötən həftə vitse-prezident Cevdet Yılmazın sədrliyi ilə keçirilən İnvestisiya Mühitinin Yaxşılaşdırılması Koordinasiya Şurasında (YOİKK) da müzakirə edilib.
***
Yığıncaqda iş üslublarından irəli gələn ehtiyacların müəyyən edilməsi üçün texniki işlər müzakirə edilib. Onlayn, yarım iş günü və müvəqqəti iş və platforma işi kimi yeni nəsil çevik fəaliyyət modelləri ilə bağlı qanunvericilik dəyişikliyi ehtiyaclarının iş dünyasının tələbləri və iş-özəl həyat balansı nəzərə alınmaqla müəyyən edilməsi qərara alınıb.
***
Əmək və Sosial Müdafiə Naziri Vedat Işıkxan, Dövlət Sektoru Əmanət və Səmərəlilik Paketinə daxil olan çevik iş modeli üzərində işlərin iyun ayında başlayacağını, mövzu ilə bağlı bütün əlaqədar tərəflərlə görüşəcəklərini müjdələyib. Bu məsələ Beynəlxalq Əmək Təşkilatının (BƏT) iclasında da gündəmə gətiriləcək.
Nazir Işıkxan, “Sosial təhlükəsizlik qanunvericiliyi və tətbiqlərini dəyişən əmək bazarı şərtləri və yeni nəsil çevik iş üslublarına daha uyğunlaşdıracağıq”, – deyərək dəyişikliyə işarə edib. Bu çərçivədə iş saatlarına yeni düzəlişlərin ediləcəyi gözlənilir.
Bildirilir ki, 45 saatlıq iş saatı 40-a, bəzi peşə qruplarında 48 saatlıq iş saatı da 40-a endirilə bilər.
***
Mövzu ilə bağlı hökumət mənbələri, “Biz işçini yeni araşdırmaların mərkəzinə qoyduq. Əgər işçini gücləndirsəniz, biznes inkişaf edər və işəgötürən inkişaf edər. Əksinə olsa, istədiyiniz qədər qanuni tənzimləmələr edin, biznesləri dəyişdirin, heç bir irəliləyiş yoxdur. Hazırlanacaq qaydalara işçilərin ixtisaslarının artırılması ilə bağlı yeni müddəalar daxil ediləcək. Sosial məsuliyyət layihələri həyata keçirən bir çox müəssisə var. Öz işçilərinə maaş vermir, ya da az maaş verir. “Burada disbalans var, bunu həll etmək lazımdır”.
Əvvəlki Əmək və Sosial Müdafiə Naziri Vedat Bilgin, “İş həyatımızı modernləşdirməli və iş saatlarını yenidən tənzimləməliyik”, – deyib.
çap et