Bayden dövrünün bitdiyini və Harris dövrünün başladığını elan etmək üçün Demokrat Partiyasının Konqresində salona addımlayan kimi ABŞ prezidenti Baydenin gözləri yaşla doldu və qızı Eşli Baydeni qucaqlayaraq uzun müddət ağlayıb.İki ay əvvəl Demokratların prezidentliyə namizədi olan Co Bayden indi partiya daxilində Kamala Harrisin “tacqoyması” ilə başa çatacaq konqresin spikerlərindən biri idi.
ABŞ-ın hazırkı prezidenti gecənin son nitqini söyləməzdən əvvəl səhnəyə çıxarkən göz yaşlarını saxlaya bilməyib, qızı Eşli Baydeni uzun müddət qucaqlayıb.
Salondakı partiya üzvləri “Təşəkkür edirəm Co” şüarları səsləndirərkən, Bayden “Amerika, səni sevirəm” deyərək qarşılıq verib.
ABŞ prezidentliyinə Demokratlar Partiyasından namizəd Kamala Harris və vitse-prezidentliyə namizəd Tim Valz da ayağa qalxaraq Baydeni kütlə ilə birlikdə “son vəzifələrini” yerinə yetirərək alqışlayıblar. Baydenin köməkçiləri bu çıxışı vida kimi təsvir etməsələr də, bir çoxları bu anın Baydenin 50 illik siyasi karyerasında son böyük səhnə çıxışlarından biri olduğunu düşünür.
Bu qurultay Demokrat Partiyasında bir dövrün bitdiyinin, yeni rəhbərliyin başladığının əlaməti kimi tarixə düşəcək.
çap et