ABŞ prezidenti Co Bayden hər 4 ildən bir yenilənən çox məxfi sənəd vasitəsilə Amerika ordusuna Rusiya, Çin və Şimali Koreya ilə mümkün razılaşdırılmış nüvə münaqişələrinə hazırlaşmağı tapşırıb.
“New York Times” (NYT) qəzeti, Baydenin mart ayında təsdiqlənmiş gizli sənədin məzmununda “Çin təhdidinə yenidən diqqət yetirən gizli nüvə strategiyası”, – olduğunu iddia edib.
***
Xəbərdə Baydenin mart ayında Çinin nüvə texnologiyalarının və silahlarının sürətlə genişlənməsinə diqqət yetirmək üçün ABŞ-ın çəkindirmə strategiyasını ilk dəfə olaraq yenidən təşkil etdiyi və ordusuna mümkün ola bilən Rusiya, Çin və Şimali Koreya ilə koordinasiyalı nüvə münaqişələrinə hazırlaşmağı tapşırdığı iddia edilir.
***
Xəbərdə Ağ Evin Baydenin qərarını açıqlamadığı və “Nüvə təyin etmə bələdçisi” adlı strategiyada Rusiya, Çin və Şimali Koreya ilə mümkün nüvə toqquşmalarna qarşı hazırlıq planlarının olduğunu iddia etdiyi vurğulanıb.
***
Xəbərdə 4 ildən bir yenilənən sənədin “tam məxfi” olduğu üçün elektron nüsxəsinin olmadığı, sənədin çap nüsxələrinin yalnız bir neçə milli təhlükəsizlik məmuruna və Pentaqondakı yüksək rütbəli komandirlərə verildiyi vurğulanıb.
Xəbərdə xatırladılıb ki, ABŞ Təhlükəsizlik Şurasının silahlara nəzarət və kütləvi qırğın silahlarının yayılmaması üzrə baş direktoru Pranay Vaddi iyun ayında bu sənədə istinad edib.
Xəbərdə Vaddinin “Rusiya, Çin və Şimali Koreyanı eyni anda çəkindirmək zərurətindən” danışdığı xatırladılıb və əvvəllər Pentaqonda işləyən nüvə strateqi Vipin Naranq da Baydenin “yenilənmiş bir sənəd dərc etdirdiyini” söyləyib.
NYT, adı açıqlanmayan rəsmilərə istinadən, “ABŞ-ın nüvə təhlükəsi səbəbindən müharibə planlarını dəyişməsi an məsələsidir”, – yazıb.
Stokholm Beynəlxalq Sülh Araşdırmaları İnstitutu (SIPRI) Pekinin yaxın 10 il ərzində Moskva və Vaşinqtonun nüvə silahı potensialını tutacağını bildirən hesabat dərc edib. Hesabatda Rusiyanın Ukraynaya müharibə elan etməsindən sonra nüvə təhlükəsinin əhəmiyyətli dərəcədə artdığı, həmçinin Şimali Koreyanın nüvə silahı döyüş başlığının artırılması ilə bağlı xəbərdarlıqların yer aldığı bildirilib.
çap et