“Tramp müharibəni dayandıracaq”

ABŞ prezidentliyinə namizəd Kennedi: “Bayden 2022-ci ildə Ukrayna və Rusiya arasında sülh sazişini əngəllədi”

ABŞ-da noyabrın 5-də keçiriləcək prezident seçkiləri üçün geri sayım davam edərkən, müstəqil prezidentliyə namizəd Kennedi Feniksdə keçirdiyi mətbuat konfransında yarışdan çəkildiyini açıqlayıb. Çıxışında Kennedi niyə Trampı dəstəkləyəcəyini açıqladı və xüsusilə Bayden administrasiyasını Ukrayna müharibəsindəki siyasətinə görə günahlandırıb.

Kennedi ABŞ-ın Rusiya prezidenti Vladimir Putini “təxribata çəkdiyini” iddia edərək, “Putinin Ukraynaya təcavüzünü bəhanə etmirəm, onun başqa variantları var idi. Bununla belə, Amerika mediası iki nüvə silahı müqaviləsindən birtərəfli qaydada çıxdığımızı və Rumıniyaya nüvə silahı raket sistemləri yerləşdirdiyimizi əslində Amerika xalqından gizlədir”.

Ukraynada müharibənin 2014-cü ildə başladığını açıqlayan Kennedi həmin dövrdə ABŞ-ın demokratik yolla seçilmiş hökuməti devirərək, hakimiyyətə Qərbə yaxın bir adam gətirdiyini və bunun ardınca etnik ruslara qarşı qanlı əməliyyatların aparıldığını bildirib.

ABŞ-ın 2019-cu ildə Minsk razılaşmasından çıxdığını qeyd edən Kennedi, “2022-ci ilin aprelində Bayden (İngiltərənin baş naziri) Boris Consonu Zelenskini Rusiya ilə artıq imzaladığı sülh müqaviləsini pozmağa məcbur etmək üçün göndərdi. Həmin sülh müqaviləsi regiona sülh gətirəcəkdi. Prezident Bayden əslində bu məqsədi ifadə edib və müharibənin məqsədinin (Rusiyada) rejim dəyişikliyi olduğunu söyləyib”, – deyib.

Ukrayna müharibəsinin açıq elan edilmiş məqsədlərinin ABŞ-ın milli maraqları ilə heç bir əlaqəsi olmadığını vurğulayan Kennedi, “Ukrayna bu müharibədə Qərbin qurbanıdır”, – deyib.

ABŞ-ın “sonsuz müharibələrə”, xüsusilə də Ukrayna müharibəsinə girməsinə qəti şəkildə qarşı olduğunu vurğulayan Kennedi, Trampın bu müharibəni sona çatdırmaqda qərarlı olduğunu ifadə edərək, “Tramp müharibəni bitirən kimi Putinlə yenidən danışıqlara başlayacağını deyir. Təkcə bu sülhə görə məni onun kampaniyasını dəstəkləməyə vadar edir. Ukraynadakı sülh üçün Trampın prezidentlyini qanuniləşdirmək kifayətdir”, – deyib.