ABŞ-ın Corciya ştatının Atlanta şəhərinin hava limanında Delta Hava Yollarına məxsus təyyarənin təkəri partlayıb. Hartsfild-Cekson Beynəlxalq Hava Limanında baş verən dəhşətli qəza nəticəsində iki nəfər ölüb. Bir nəfərin ağır yaralandığı bildirilir.Aviaşirkətdən verilən açıqlamada deyilir: “Delta ailəsi bu səhər Atlanta Texniki Əməliyyatlar Baxım Təsislərində baş verən hadisədə iki komanda üzvünün itkisi və bir nəfərin yaralanmasından dərin kədər hissi keçirir”.
“Biz bu inanılmaz çətin dövrdə ailə üzvlərimizə və həmkarlarımıza tam dəstəyimizi təklif etdik”, – deyə açıqlamada bildirilir.
Delta Hava Yolları ilk müdaxilə edənlərə sürətli hərəkətlərinə görə təşəkkür edib və partlayışa səbəb olan insidentin araşdırılması üçün yerli hakimiyyət orqanları ilə birlikdə işlədiyini bildirib.
Bildirilib ki, bazar günü gecə Las-Veqasdan Atlantaya enən təyyarənin modeli hələ məlum deyil.
Fəlakətli insident uçuş əməliyyatlarına təsir göstərməyib.
çap et