Avqustun 27-də Yunanıstanın mərkəzi hissəsində yerləşən Volos şəhərində minlərlə ölü balıq dəniz səthini bürüdükdən sonra yayılan kəskin qoxu həm sakinləri, həm də turizm sənayesini çətin vəziyyətdə qoyub.Balıq ölümlərindən qaynaqlanan üfunət Volos şəhərindəki müəssisələrin ticarət fəaliyyətlərinə mənfi təsir göstərərkən, dükan sahibləri qoxunun dözülməz hala gəldiyini və turizmə böyük zərbə vurduğunu bildirir.
Volos Ticarət Palatası tərəfindən edilən açıqlamada, Volosun sahil hissəsindəki ticarət fəaliyyətlərinin son 3 gündə yüzdə 80 azaldığı və bəzi müəssisələrin müvəqqəti olaraq qapılarını bağlamaq məcburiyyətində qaldığı ifadə edildi.
Yunan mətbuatına açıqlama verən Hotelçilər dərnəyi rəsmiləri, yaranan problemin bölgənin imicinə xələl gətirdiyini və məsul şəxslərə qarşı məhkəmə iddiası açaraq təzminat tələb etməyi düşündüklərini bildiriblər.
Digər yerli təşkilatlarla birlikdə hərəkət etdiklərini bildirən səlahiyyətlilər, tədbir görülməsə, turizmin ciddi təhlükə ilə üzləşəcəyini vurğulayıblar.
Region sakini Corciya Franqula mətbuata açıqlamasında, “Balıq ölümləri baş verən zaman Almaniyada idim. Fəlakətin bu qədər böyük olacağını gözləmirdim”, – deyib.
***
Ölkə mətbuatında dərc olunan xəbərlərdə balıqların Volos şəhəri yaxınlığında yerləşən Karla gölündən gəldiyi və gölün 1962-ci ildə malyariya ilə mübarizə çərçivəsində qurudulduğu, lakin keçən il leysan yağışların yağdığı bildirilmişdi. Bölgə və onu müşayiət edən sellər gölün yenidən dolmasına səbəb olub.
Mütəxəssislərin fikrincə, göl suları şirin su balıqlarını Volos şəhərinin yerləşdiyi Paqasit körfəzinə itələyib və bu da balıqların tələf olmasına səbəb olub.
Digər tərəfdən, Yunanıstan səlahiyyətliləri, kilometrlərlə uzanan ölü balıq yığınlarından indiyə qədər 100 tondan çox balıq toplandığını bildirdi.
Avqustun 27-də Volos sahillərində minlərlə ölü balıq dəniz səthini bürümüşdü.
çap et