Almaniya İqtisadiyyat və İqlim Mühafizəsi Nazirliyindən verilən açıqlamada Nazirlər Şurasının ölkədə elektriklə işləyən avtomobillərin istifadəsini təşviq etmək üçün vergi endirimi edib. Şura sürətləndirilmiş amortizasiya ilə elektrik avtomobillərinin azalan satışlarını canlandırmaq məqsədilə gecikmiş pensiyaya təşviq edəcək vergi və pensiya islahatlarını təsdiqləyib.
Alman hökuməti tərəfindən keçən il elektrikli nəqliyyat vasitələri üçün yaşıl çevrilmə üçün təşviqlər dayandırıldıqdan sonra hazırlanan qanun layihəsinə görə, şirkətlər yeni satın alınan elektrikli və sıfır tullantılı avtomobillərin dəyərinin 40 faizinə qədəri satın alındığı il vergi hesablarından geri alacaqlar.
Hökumət hesablayır ki, verginin azaldılması 2024-2028-ci illər arasında xəzinəyə hər il orta hesabla 465 milyon avroya başa gələcək.
Bu ay parlamentə təqdim ediləcək layihədə şirkətlərdə elektrikli vasitə pulu istifadə limiti 70 min avrodan 95 min avroya qaldırıldı.
İqtisadiyyat naziri Robert Heybek məsələni dəyərləndirərkən, “Bugünkü qərarlar həmçinin Almaniyanı elektron mobillik mərkəzi kimi gücləndirmək üçün böyümə təşəbbüsünün iki mühüm tədbirini həyata keçirir”, – deyib.
***
Digər tərəfdən, Almaniya Əmək və Sosial Müdafiə Nazirliyinin açıqlamasına görə, Nazirlər Şurası iqtisadi artımı artıracaq tədbirlər çərçivəsində sonradan pensiyaya çıxmağı təşviq edəcək pensiya islahatını da təsdiqləyib.
İslahatlara əsasən, pensiyaya çıxmağın başlanmasını təxirə salan və ən azı 12 ay işləyən hər kəs itirilmiş pensiya ödənişlərinə bərabər birdəfəlik ödəniş alacaq.
Avropanın ən böyük iqtisadiyyatına malik Almaniyada məşğul əhalinin 2010-cu illə müqayisədə 2030-cu ildə 6,3 milyon nəfər azalacağı təxmin edilir. Hazırda ölkədə orta hesabla 65,8 olan qanuni pensiya yaşının 2031-ci ildə 67-yə yüksəldilməsi planlaşdırılır.
Almaniya hökuməti həmçinin geotermal enerjinin genişləndirilməsini təmin etmək üçün elektrik stansiyaları, istilik nasosları və istilik saxlama sistemləri üçün təsdiq prosedurlarını sürətləndirmək planını təsdiqləyib.
çap et