Hind okeanının dərinliklərindən aydın siqnallar qeyd edilsə də, rəsmilər elektron siqnalların itmiş Malayziya təyyarəsinin qara qutusundan gəldiyinə hələ əmin deyillər.
Dənizin dibində səsləri müəyyən edə
bilən müasir qurğularla təchiz olmuş Avstraliya gəmisi «Boing 777» tipli
təyyarənin uçuşu haqda məlumatın yazıldığı qara qutudan gələ bilən siqnalı
qəbul edib. Çin gəmisi bu siqnalları cümə və şənbə günləri axtarılan ərazidən
kənarda qəbul etmişdi.
Malayziyanın mülki aviasiya agentliyinin
başçısı Əzhəruddin Əbdül Rəhman rəsmilərin təxminən bir ay bundan əvvəl itkin
düşmüş təyyarənin axtarışında mühüm dönüş yaradacağına ümid etdiklərini
bildirib. Malayziya hava yollarına məxsus təyyarə 239 sərnişinlə Kuala
Lumpurdan Pekinə istiqamət götürmüşdü. Rəsmiləri hələlik siqnalların təyyarədən
gəldiyini təsdiq edə bilmir.
Bundan öncə beynəlxalq axtarış qrupunun başçısı, təqaüddə olan Avstraliya hava qüvvələrinin marşalı Anqus Hyüston mətbuat konfransında deyib ki, Çin gəmilərinin aydın siqnallar eşitməsinə baxmayaraq, bu siqnalların Malayziya təyyarəsinə aid olduğunu demək hələ tezdir.
çap et