İraq ABŞ qoşunlarının iki il ərzində ölkədən çıxarılacağını açıqlayıb. İraqın müdafiə naziri Sabit Abbasi ABŞ qoşunlarının İraqdan çıxarılması ilə bağlı açıqlama verib.
ABŞ əsgərlərinin 2 il ərzində İraqdan çəkiləcəyini bildirən Abbasi, “ABŞ-ın rəhbərlik etdiyi koalisiya qüvvələrinin İraqdakı missiyasını iki mərhələdə bitirmək üçün razılaşma əldə edildi. İlk geri çəkilmə mərhələsi bu il başlayacaq və 2025-ci ilə qədər davam edəcək. İkinci geri çəkilmə mərhələsi 2026-cı ildə başa çatacaq”, – dedi.
Abbasi həmçinin qeyd edib ki, ABŞ Müdafiə Naziri Lloyd Ostin iki illik müddətin geri çəkilmək üçün kifayət etmədiyinə inandığını və bir il əlavə edilməsini istəyib, lakin Bağdad bu müddəti 2 ildən çox uzatmaqdan imtina edib.
İraqın müdafiə naziri Abbasi əlavə edib ki, Vaşinqtonla geri çəkilmə sazişi yaxın günlərdə imzalanacaq.
çap et